тѣми[1] молитвами Бога сотвориши[2] милостива и свободу грѣхомъ[3] получиши; а родителемъ своимъ преставльшимся память твори: къ церквамъ Божіимъ приношеніе и на панихиду и на литургію[4] въ дому по нихъ кормлю твори и нищимъ милостыню даваи[5] и самъ отъ Бога помилованъ[6] будеши.
Къ церквамъ Божіимъ всегда съ вѣрою приходи[8], и безъ гнѣва, и безъ завѣсти, и безъ всякія злобы, и во всякои смиренои мудрости и кротости и въ чистотѣ тѣлеснои[9] съ приношеніемъ со свѣщею, и съ просфирою, съ фимиямомъ[10] и съ ладономъ, и съ кануномъ, и съ кутіею, и съ милостынею за здравіе и за упокои, и къ праздникомъ, и по монастыремъ тако же съ милостынею и съ приношеніемъ приходи[11], и егда принесши даръ твои олтарю, воспомяни евангельское слово: егда нѣчто имать братъ твои на тя, остави ту даръ твои предъ олтаремъ, и шедъ, преже-смирися
