да два нижнихъ концы сомкнуты, ино Святая Троица вообразится, среднеи перстъ съ другимъ прямо поставити мало надклоненъ, а другіи повыше, а не разпростерты, ти приобразуютъ Божество и человѣчество, тако прекрестити лице свое; первое возложити рука на чело, потомъ на перси, тажъ на правое плеще, таже на лѣвое[1] и по существу воображенъ крестъ Христовъ; потомъ главою поклонитися до пояса; а великіи поклонъ въ землю главою, а молитву и моленіе во устѣхъ, а въ сердцы умиленіе и во всѣхъ удехъ сокрушеніе о грѣсехъ, и отъ очію слезы, а отъ душа воздыханіе: усты Бога слави, а умомъ и сердцемъ и дыханіемъ молитися о полезныхъ, рукою перекрестися, а тѣломъ поклонися въ землю или до пояса, всегда тако твори. А святительскому чину и священническому такожъ рукою прекрестити всякого христіанина, требующа отъ нихъ благословеніе о крестѣ Христове, и о воображеніи и о поклоненіи во отечнице пишетъ извѣстно, тамъ почетъ уразумѣеши силу креста Христова.[2]
Поученіе святого Ѳеодорида, како благословити рукою и перекрестися. Три персты равны имѣти концы соединены вкупѣ, по образу Троическу Богъ Отецъ, Богъ Сынъ, Свя-
- ↑ Ibid. слѣдуетъ продолженіе согласное съ нашимъ текстомъ.
- ↑ Ibid. за тѣмъ слѣдуетъ окончаніе главы:
О благословленіи архіерейскомъ и священническомъ: отъ посланія блаженнаго Паисія Патріарха, вопроса 25-го толкованіе.
страны, грѣшныя же отъ лѣвыя; сего ради молимъ Его, да не поставитъ насъ въ лѣвой Своей странѣ; но да поставитъ насъ стати въ дѣсной Своей странѣ со Святыми. Сіе знаменуетъ крестъ, егда творитъ и на лицѣ нашемъ; и сего ради должни есьмы, яко есть лѣно творити, и да дѣйствуетъ и сила его.
