изнаидеши отъ нѣкоего о мирскомъ строеніи, како жити православнымъ христіаномъ въ миру съ женами и дѣтми и и съ домочадцы и ихъ наказывати и учити и страхомъ спасати, и грозою претити и во всякихъ дѣлѣхъ беречи, душевныхъ и тѣлесныхъ, чистымъ быти. И во всемъ самому стражу надъ ними быти, и о нихъ пещися, аки о своихъ удехъ. Господу рекшу: «будета оба въплоть едину». Апостолу рекшу: «аще страждетъ единъ удъ, то всѣ уды съ нимъ страждутъ»; такожъ и ты не о себѣ идиномъ пещися, но о женѣ и о дѣтяхъ своихъ и о прочихъ и о послѣднихъ домочадцѣхъ—вси бо есмы связаны единою вѣрою къ Богу, и съ добрымъ симъ прилѣжаніемъ имѣй любовь ко всѣмъ, по Бозѣ живущимъ, и око сердечное взирающе къ Богу, и будеши сосудъ избранъ не себѣ единого несыи къ Богу, но многи, и услышиши добрыи рабе и вѣрныи, буди въ радости Господа Бога своего. И еще въ сеи книгѣ изнаидеши о домовнемъ строеніи: какъ наказъ имѣти къ женѣ, и дѣтемъ и слугамъ, и како запасъ имѣти всякои хлѣбнои, и мяснои, и рыбнои, и овощнои и дворовои порядне, паче же въ недоумѣваемыхъ, по главамъ изнаидеши вся.
Наказаніе отца къ сыну . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . |
глава А[1] |
Како вѣровати во Святую Троицу и Пречистую Богородицу, и кресту Христову и святымъ небеснымъ безплотнымъ силамъ, и Великому по пророцѣхъ Ивану Предтечи и всѣмъ святымъ и святымъ мощемъ поклонятися имъ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . |
В |
Како таинамъ Божіимъ причащатися и вѣровати яко будетъ воскресеніе мертвымъ и страшнаго суда чаяти и како касатися всякія святыни . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . |
Г |
- ↑ В книге номера глав обозначены буквами старославянского алфавита под титлами. — Примечание редактора Викитеки.