Страница:Жития святых свт. Димитрия Ростовскаго. Январь.djvu/335

Материал из Викитеки — свободной библиотеки
Эта страница была вычитана
337
Память преподобного Михаила Клопского

зался преподобный Михаил, и положено в правой стороне соборного храма; здесь почивает оно и до наших дней, источая многоразличные исцеления с верою притекающим, во славу Христа Бога нашего.


Тропа́рь прпⷣбнагѡ, гла́съ и҃:

И҆́же на землѝ хрⷭ҇та̀ ра́ди во́лею въ бꙋ́йство преложи́всѧ, мі́ра сегѡ̀ красѡты̀ ѿню́дъ возненави́дѣлъ є҆сѝ: и҆ плѡтска́ѧ и҆гра́нїѧ ᲂу҆вѧди́въ посто́мъ и҆ жа́ждею, и҆ на землѝ лега́нїемъ, ѿ зно́ѧ же и҆ стꙋ́дени, ѿ дождѧ̀ и҆ снѣ́га, и҆ ѿ про́чїѧ воздꙋ́шныѧ тя́гости никогда́же ᲂу҆клони́лсѧ є҆сѝ: дꙋ́шꙋ же ѡ҆чи́стилъ є҆сѝ добродѣ́тельми, ꙗ҆́кѡ зла́то въ горни́лѣ, ѻ҆́тче прпⷣбне бг҃оно́сне мїхаи́ле, и҆ ны́нѣ на нб҃есѣ́хъ предстои́ши прⷭ҇то́лꙋ прест҃ы́ѧ трⷪ҇цы: но ꙗ҆́кѡ и҆мѣ́ѧ дерзнове́нїе мно́гое, молѝ хрⷭ҇та̀ бг҃а сп҃сти́сѧ дꙋша́мъ на́шымъ.

Конда́къ, гла́съ и҃:

Дх҃а ст҃а́гѡ си́лою ᲂу҆подо́билсѧ є҆сѝ бг҃оглаго́ливымъ дрє́внимъ прⷪ҇ро́кѡмъ, сказа́въ безвѣ̑стнаѧ и҆ та̑йнаѧ, и҆ є҆́же го́дѣ сꙋдьба́мъ бж҃їимъ въ сбытїѐ: и҆ и҆́на мнѡ́га чꙋдеса̀ ѡ҆ хрⷭ҇тѣ̀ сотвори́въ, и҆ лю́ди ᲂу҆диви́въ, торжествова́ти ᲂу҆стро́илъ є҆сѝ вопїю́щыѧ: сла́ва бг҃ꙋ прославлѧ́ющемꙋ ст҃ы̑ѧ своѧ̑.