вѣтъ Полтавскій на залогу, яко бы тое ускромляючи. Где по усей Полтавѣ тое козацство стояло часъ немалый, а далѣй збунтовявшися, назадъ вернулися. А гетманъ Выговскій на ускромлення Пушкара послалъ соби корогвы затяговые. Итакъ якъ прійшли подъ Полтаву, то выйшовши Пушкаръ и тіе корогвы затяговые погромилъ, розогналъ, и отъ того часу сталъ задоръ съ Пушкаремъ. И Пушкаръ, держачи зъ Запорожемъ, посылаетъ до его царского величества, даючи знати, же Выговскій самъ собѣ гетманство привлащаетъ и хощетъ оторватися отъ его царского величества, а зъ королемъ полскимъ и зъ ханомъ крымскимъ згоду беретъ. Посылаетъ его царское величество боярина и оружничого Богдана Матвѣевича Хитрого до войска Запорожскаго, жебы при нему войско гетмана себѣ выбрали и жебы гетманъ присягу выконалъ на подданство его царскому величеству, и жебы той запалъ межи войску ускромилъ, але едностайне жебы собѣ гетмана выбрали и тому повиновалися, якъ и старо́му Хмелницкому. Которая рада въ Переяславлю была; тилко на оную полковники зь сотниками и зъ иншою старшиною зъѣхалися, опрочъ чернѣ, и Выговскій боярина такъ словами лестивыми, яко и подарками, уконтентовавши, до того навернулъ, же оному гетманство подтвердилъ въ въ Переяславлю, любо на тое войско и не позволяло, бо полковникъ полтавскій Пушкаръ жадною мѣрою на тое позволити не хотѣлъ со всѣмъ своимъ полкомъ и, скупивши, полкъ ишолъ до Переяславля, жебы раду тую разорвати, але почувши, же юже гетманомъ бояринъ Выговскаго учинилъ, подъ Лубнями сталъ, до котораго и бояринъ, повернувши зъ Переяславля, у войско пріѣхалъ и оному поблажилъ и особливый подарунки отъ его царского величества отдалъ. Итакъ Пушкаръ, повернувши до Полтавы, не захотѣлъ послушнымъ быти гетману Выговскому и Запорожцовъ, отлучивши отъ гетмана Выговского, до себе привернулъ. Що видячи гетманъ Выговскій, же войско не усе его гетманомъ любитъ, потаемне чрезъ своихъ посланцовъ зъ королемъ полскимъ згоду починаетъ, также въ крымъ до хана пословъ своихъ о згодѣ высылаетъ, до того Орда зъ охотою й пристала.
Заразъ по Воскресеніи Христовомъ, на святого Георгія, зъ Крыму выйшолъ Карамбей зъ ордами, въ сороку тысячей, подъ Чигиринъ и тамъ зъѣхавшися у рѣчки, званой Арилій, два ихъ, Карамбей зъ Выговскимъ, на особномъ мѣсцу, на конехъ сидячи, мали розмову изъ собою годинъ на двѣ дзигаровыхъ и тамъ зъ собою, потаемне отъ усѣхъ полковниковъ, постановили противко кого мали тую войну поднести; а напотомъ гетманъ Выговскій до намету своего Карамбея зъ мурзами упросилъ, и тамъ зо всѣми полковниками и инною старшиною учинили згоду зъ Ордою, где самъ гетманъ Выговскій, обозный, су́ддѣ, полковники зо всею старшиною и козаками, при нихъ будучими, присягу выконали на братерство, и тамъ собою банкетъ
вет Полтавский на залогу, яко бы тое ускромляючи. Где по усей Полтаве тое козацство стояло час немалый, а далей збунтовявшися, назад вернулися. А гетман Выговский на ускромлення Пушкара послал соби корогвы затяговые. Итак як прийшли под Полтаву, то выйшовши Пушкар и тие корогвы затяговые погромил, розогнал, и от того часу стал задор с Пушкарем. И Пушкар, держачи з Запорожем, посылает до его царского величества, даючи знати, же Выговский сам собе гетманство привлащает и хощет оторватися от его царского величества, а з королем полским и з ханом крымским згоду берет. Посылает его царское величество боярина и оружничого Богдана Матвеевича Хитрого до войска Запорожского, жебы при нему войско гетмана себе выбрали и жебы гетман присягу выконал на подданство его царскому величеству, и жебы той запал межи войску ускромил, але едностайне жебы собе гетмана выбрали и тому повиновалися, як и старо́му Хмелницкому. Которая рада в Переяславлю была; тилко на оную полковники зь сотниками и з иншою старшиною зъехалися, опроч черне, и Выговский боярина так словами лестивыми, яко и подарками, уконтентовавши, до того навернул, же оному гетманство подтвердил в Переяславлю, любо на тое войско и не позволяло, бо полковник полтавский Пушкар жадною мерою на тое позволити не хотел со всем своим полком и, скупивши, полк ишол до Переяславля, жебы раду тую разорвати, але почувши, же юже гетманом боярин Выговского учинил, под Лубнями стал, до которого и боярин, повернувши з Переяславля, у войско приехал и оному поблажил и особливый подарунки от его царского величества отдал. Итак Пушкар, повернувши до Полтавы, не захотел послушным быти гетману Выговскому и Запорожцов, отлучивши от гетмана Выговского, до себе привернул. Що видячи гетман Выговский, же войско не усе его гетманом любит, потаемне чрез своих посланцов з королем полским згоду починает, также в крым до хана послов своих о згоде высылает, до того Орда з охотою й пристала.
Зараз по Воскресении Христовом, на святого Георгия, з Крыму выйшол Карамбей з ордами, в сороку тысячей, под Чигирин и там зъехавшися у речки, званой Арилий, два их, Карамбей з Выговским, на особном месцу, на конех сидячи, мали розмову из собою годин на две дзигаровых и там з собою, потаемне от усех полковников, постановили противко кого мали тую войну поднести; а напотом гетман Выговский до намету своего Карамбея з мурзами упросил, и там зо всеми полковниками и инною старшиною учинили згоду з Ордою, где сам гетман Выговский, обозный, су́дде, полковники зо всею старшиною и козаками, при них будучими, присягу выконали на братерство, и там собою банкет
