в дому Господни і во дворех Бога нагиего процвѣл еси і разумныя пчелы объемлют богатъство цвѣтец твоих; еще умножися во старости маститѣ и (л. 29) благоприемлюще будут[1]. И тако возмездіе праведно и богоугодно от мздовоздателя Бога прият и во обители живоначалные Троицы преподобнаго Сергіа чюдотворца ко Господу отъиде, оставль намъ сладкаа своя ученіа, просвѣтив руским странам конца[2] божеетвеных[3] писаній[4] правленіем.
Тогда бо жалостніи аргани подвизаются і слезніи істочницы ізливаются и рускаа[5] церковнаа чада умилными словесы своего отца і учителя і наставника вѣнчевают, овіи же пририщуще к мощем предивнаго отца і учителя глаголаху: како тя наречем, предоблій отче? Пророка ли, яко провѣща[6] нам неудоб разумѣваемаа и вѣдомаа нам? Апостол(а л)и, яко зыблемую противными нам вѣтры утверди християнскую вѣру божественых писаній ученіи? Учителя ли? Но воистинну ничим же хуждьши і нижши еси великих онѣх вселенских учител[7]. И тако овъ ова, ин же іная проповѣдуя (л. 30) высокаа его ісправленіа, овъ проповѣдуя учителство[8], ин же[9] в темницы і во узах мученическое страданіе. I тако честне і благолѣпне в той ж сдавней і святей обители погребен бысть і памят его со всѣми святыми ізбранными Божіими и наша Рускаа страна безпрестани красуется сладкими словесы его.
К тому же что[10] еще імам рещи о тебѣ, предивный отче, или кій языкъ возможет подостоянію проповѣдати твоя ісправленіа? Здѣ ж оставлю многословіа невоздержателное ми и паки яж о исправленіи добрых дѣтелий преподобнаго отца імуся. Не бо есть[11] достоинъ яже по ряду вся сказати непостижимая отца оного ісправленіа. В заточеніи убо достохвалный сей страдалецъ сотвори 30 лѣтъ, в темницы терпя і во узах стража от Данила митрополита московского, к нему ж предивна по-
- ↑ Псаломъ 91-й, ст. 13 и 14.
- ↑ концы Ун. 3.
- ↑ божественным Ун. 3.
- ↑ вст. и Ун. 3.
- ↑ россійская Ун. 3.
- ↑ Такъ читается это слово въ ркп. М, Ун. 3, Ан., П5; въ ркп. Н1: проовѣща, Пр. 2: просвѣща, Син. библ. № 157: просвѣщаамаа.
- ↑ учителей Ун. 3.
- ↑ Ркп. Син. библ. № 157 вставляетъ: его, каковаго слова въ осталъныхъ рукописяхъ нѣтъ.
- ↑ вст. еже Пр. 2, М, П5.
- ↑ что имамы Ун. 3.
- ↑ есмь Ан.
