Но обаче ненавистник добру не остави его тако пребывати. Премногій ж разумом богодухновенных писаній, якож и тѣ талмачи о немъ (л. 28 об.) сказуют, яко такову премудру старцу в книжном ученіи нѣсть возможно[1] обрѣстися і в самой оной Святѣй горѣ. I божественною ревностію уразумѣвъ в хриетиянех богомерскій грѣх содомскій, і безбожное лихоиманіе, і бесчеловѣческое рѣзоиманіе, сирѣчь росты, и празнословіе, і сквернословіе, і смѣх безвременный і бесчинный[2], і піянство, и преизлишнаа сладкаа яденіа, і сребролюбіе, і лукавый нрав, меръскій, проклятый, і немилость к бѣдным і нищим, и ревностію Божіею разжегся, совѣтъ совѣтовав добръ і богоугоден, сіирѣч учителным словом еж от божественныхъ писаній пособити христіаном і истребити от них в конец нечестіа сѣмена сіа; і сия написал и слово[3] о тверском пожаре и владыце тверскому не угодно обрѣстися[4] сотворися: владыка же той малоучен бѣ грамоте.
И по[5] молебному словеси і благоразсужденію живоначальные Троицы Сергіева монастыря ігумена (л. 29) Артемія царь і великій князь Іванъ Васильевич всеа Русіи повелѣвает премудраго старца Максима грека с честію взяти к себѣ на[6] Москву і быти ему во ослабѣ. Предоблій[7] ж онъ і предивный страдалецъ от многолѣтнаго оного во узах і в темницѣ і от многих мукъ бысть дряхлъ і боленъ ногами і всѣми составы телесными и уж пресвѣтліи очеса[8] его свѣтиле слезными[9] безпрестани текущіми источники повредишася. Прежде помянутому ж істинному братолюбцу живоначалные Троицы Сергіева монастыря игумену Артемію ко Господу отшедшу, бывает по нем спутшественик преподобный он старец, сый во глубокой[10] старости, якож писано есть: праведник яко финикъ процветет і яко кедръ иже[11] в Ливане умножится; насажден
- ↑ вст подобну Ун. 3.
- ↑ безчисленное піянство Ан.
- ↑ слово нѣтъ Пр. 2.
- ↑ обрѣтеся; на поляхъ выноска: сотворися Ун. 3.
- ↑ по прошенію u благоразсужденію Ун. 3.
- ↑ къ Москвѣ Ун. 3.
- ↑ предобрый же Ан.
- ↑ пресвѣтлѣи очесѣ Пр. 2; очесъ М, П5.
- ↑ свѣтило слезными Ун. 3; свѣтилъ слезными Ан.
- ↑ глубоце Н1, П5; глубоцѣй Ун. 3, Ан.
- ↑ Это слово въ ркп. Син. библ. № 157 опущено; въ ркп. Пр. 2, М, Ун. 3, Ан., П5 есть.