дикой маслинѣ. И тако сіи безбожныи отвергошася вѣры христіанскія, прилѣпяшася к без’божному. Олгъ же нача паче поспѣ́шивати и слати послы к Мамаю царю, и рече: „подвизаися скоро.“ О таковыхъ бо рече Писаніе: „от неразъсуженія пути беззаконныхъ не спѣютъ, но збираютъ себѣ досады и по́носъ; правыхъ же путіе спѣютъ.“ Нынѣ сего Олга нарече втораго Святополка.
Слышавъ же то Князь Димитреї Ивановичь, яко грядетъ на него безбожныи царь Мамай, и неоуклонимая рать[1] на Христову вѣру, поревновавъ неиз’глаголанному Батыеви. Князь же Великіи Димитрей Ивановичь опечалився вел’ми от безбожнаго нахожденіи, и ставъ предъ иконою[2], иже стоитъ в’возглавіі ему и’ падъ на колѣно, поклонився, нача молитися предъ образомъ и рече: „Аще, Господи, смѣю, молютися смиренныи рабъ твой, простри оуныніе мое, на тя оуповаю, Боже мой, разверзи, Господи, печаль мою! Ты бо еси свидѣтель намъ, Владыко! Не сотвори намъ, якоже отцемъ нашимъ, якоже наведе на градъ нашъ злаго Батыя[3] и еще тотъ страхъ и трепетъ в насъ великъ есть. Нынѣ же, Господи, не до конца прогнѣваися на ны; вѣмъ бо, яко мене ради грѣшнаго
- ↑ Ерм. неуклонно яряся. К. Оболен. со всѣми своими силами и неуклонно яряся на Х. в. Ростовъ лѣт. бысть вѣсть отъ орды мѣсяца Августа къ Вел. Князю, яко воздвигается Измаилтескій родъ на родъ Христіанскій.
- ↑ Ерм. святою иконою Господня образа. Въ Соф. врем. I, 357, молитва Пресв. Богородицѣ.
- ↑ Ерм. иже наведе на ны и на вся грады ихѣ злого Батыя.
