доша книги отъ преподобнаго игумена Сергія, в нихъ же написано есть: „Великому Князю и всѣмъ Рускимъ Княземъ миръ и благословеніе всемоу православному воинству.[1] Князьже Великіи слышавъ писаніе отъ преподобнаго старца и цѣловавъ посланника[2] того любезно, тѣмъ же писаніемъ аки, нѣкими бронями твердыми, оукрѣпися; и еще дастъ емоу старецъ даръ, посланныи от Игумена Сергія святыи хлѣбецъ Пречистыя Богоматери. Князь же Великіи снѣдъ хлѣбецъ святыи, и простеръ руцѣ свои на небо, возопи велегласно: „О велико имя святыя Троица! Пресвятая Богородице, помогай намъ твоими молитвами и Преподобнаго Игумена Сергія.“ Пріимъ же конь свой[3] крѣпко и вьземъ палицу свою желѣзную, подвизався ис полку вонъ, восхотѣ преже самъ начати от горести душа своея[4]. Мнозиже Князи Рускіе воеводы оудержаша его, глаголюще; Не подобаетъ тебѣ Великому Князю самому и в нолку быти[5], подобаетъ тебѣ особѣ полкомъ стояши і насъ расмотряти: то предъ кѣмъ
- ↑ Соф. Временникъ. М. 1820, т. I, стр 360.
- ↑ К. Оболен. етери старца любезнымъ целованіемъ.
- ↑ К. Оболен. копіе свое.
- ↑ Ерм. приб: „за свою обиду великую и за православную вѣру.“ К. Оболен. прибавл: „и восхотѣ прежнемъ почащъ битися преже полковъ отъ горести души своея за землю Рускую и за вѣру христіанскую и за святыя церкви и за свою великую обиду.“
- ↑ Ерм. и Снг. битися, и К. Оболен. битись.
