своея, яко многижды зело преходяще Нѣмцы и Литва на украины ихъ и хотяху пленити землю ихъ; они ж выходяще побиваху ихъ с крауломъ(?), сами ж Ноугородцы в’ велицей славе живуще, пасени быша Софіею Премудростію Божіею Варламомъ Чудотворцемъ, бывшимъ у Святаго Спаса на Хутоне Архиепископомъ великаго Новагорода и Пскова Еуфимиемъ. Послушайте сего, братие, егда же придоша ис поля вѣстницы к Великому Князю Дмитрию Ивановичу: яко Царь Мамай идетъ пленити землю Рускую с великою силою; не услышано бысть Великимъ Княземъ Дмитреемъ, яко Олегъ Рязанскій и Олгирдъ Литовскій совокупишася съ Мамаемъ Царемъ. Князь ж Великій тогда в печали бысть и вся земля Московская смятеся о напрасномъ нахожениі. Князь ж Великій отвергъ тогда отъ себя печаль и повелѣ войску своему совокуплятися вскоре, взыти в стрѣтение безбожному Царю Мамаю, пострадати повелѣ. Тогдаж быша на Москвѣ гости Новгородцкіе съ товаромъ, торгу ради, Никула Новгородецъ, Иванъ Васильевъ сынъ Усатой, Дмитрей Плонскій и иные гости мнози быша. Слышавше сия, вскоре возвратишеся в Великій Новградъ и пришедъ возвѣстиша посадникомъ своимъ вся о Великомъ Князе. Прискорбни бяху и восташа скоро, притекоша мужие Новгородцы, предъ Владыкою падоша на колѣни и молящеса о Великомъ Князе, дабы умолилъ о ненъ. Они також ко Владыце Еуфимею притекоша, падше предъ нимъ: Вѣси ли, Господине отче, таково востание на Великого Князя Дмитрия Ивановича Московскаго и на всю православную Хрмстианскую вѣру, яко Царь Мамай идетъ пленити землю и вѣру Христову осквернити и церкви Божия разорити и с ним безумный Олегъ Рязанскій и Олгирдъ Литовскій и тѣ совокупишася с Мамаемъ Царемъ, хотчтъ гонити вкупе вѣру Христову. Мы же, отче Господине, слышахомъ, яко Князь Великіи силою Божиею и своимъ высокимъ смирениемъ ополчися противу има, хощетъ, отче, за вѣру Христову умрети. Слышавъ сія Архиепископъ Новгородскій, яко велико гоне-
