посолъ свой ко царю[1] и дары безчислѣныи, и книгу писавъ к нему сице: „Великому восточному царю Мамаю Князь в’Олгирдъ Литовскіи многу милость. Слышавъ, господине, хочеши оу́лусь свой казнити[2] и Московскаго Князя Димитрія, да того ради молю тя, царю, яко обиду[3] сотвори Олгу Резанскому, а мнѣ тако же пакости дѣя. Но молимъ тя оба, да при державе царствія твоего[4] видитъ твое смотреніе нашу грубость отъ Московскаго князя Димитрея. Все же глаголютъ лестію на великаго Князя Димитрія, и ркучѝ в себѣ: егда оуслышитъ имя твое царево и нашу присягу к тебѣ[5]: то отбежитъ въ великии Новъград, или на Двину, а мы сядемъ на Москвѣ и на Коломнѣ. Егда царь не пріидетъ[6] и мы ему бо́льшая сихъ срящемъ[7]. Царь же возвратится, а мы и[8] Княженіе Московское раздѣлимъ ино̀ къ Вилнѣ[9], ино къ Резанѣ. Но и вѣдаемъ, яко царь имаешъ ярлыкъ дати намъ и родомъ нашимъ.“ Но сами ся невѣдаютъ, что глаголютъ, яко не-
- ↑ К. Оболен. мужа мудра именемъ Боширща, человѣкъ родомъ Четцкіе земли.
- ↑ Ерм. своего служебника М. К. Д. и пр.
- ↑ Ерм. пакость.
- ↑ Ерм. приб.: на отоки твои.
- ↑ правильнѣе, чѣмъ у Ерм. к нему.
- ↑ Ерм. егда же придетъ.
- ↑ Ник. л. IV. 90. и мы его з большими дары встрѣтимъ и умолимъ его, да возвратится Царь во свояси.
- ↑ Не имый ли?
- ↑ В Тимк. очевидная описка: иноквиннѣ. Въ Ерм. сп. етого нѣтъ; Г. Анастасевичь думает, что должно
