Страница:Русский исторический сборник Том 3 (1838).pdf/39

тинно слышали царева хотѣнія. Грамата же разославъ Князь Великіи по всѣмъ градомъ: да будете готови на брань и збиратися на Коломну битися з безбожными Агаряны. Вси бо на мя собрашася сопостати; но помощію Божіею и молитвами святыя Богородица, взыдемъ имъ во срѣтеніе. Сторожи же в поле замедлиша; онъ же другія сторожи посла и повелѣ имъ вскорѣ возвратитися, а посла Клименъта Поляни́нова^[1], да Ивана Сья́слова^[2], да Григорія Судока̀^[3] и иныхъ много с ними.^[4] Они же срѣтоша Василія Ту́пика, еще близ Оки рѣки везуще языкъ къ Великому Князю. Языкъ же повѣда Великому Князю, яко не ложно идетъ Царь на Русь, совокупився со многими ордами и еще с нимъ совокупилися Олгъ Резанскіи и Олгирдъ Литовскіи. Не спѣшитъ бо Царь того дѣля, яко осени^[5] ждетъ, хочетъ быти на руския хлѣбы. Князь же Великіи Димитрей Ивановичь слышавъ неизложное таковое востаніе безбожныхъ и нача оутѣшатися о Бозѣ, оукрѣпляя брата своего Князя Владимера^[6] и всѣ Рускія Князи, ркучи имъ тако: „Братія моя, Рустіи Князя и Воеводы и Бояря, гнѣздо есмя Князя Владимера Киевскаго^[7], иже зи-

Вѣроятно, Франкскіе крестовые воины передали Грекамъ свое выраженіе. Ducange Gloss. mediae et inf. Graecitatis.

1. Ерм. Поляника. Никон. л. IV, 198. Полѣнина.
2. Ерм. Свесланика. Никон. л. IV, 98.
3. Ерм. Судоконныхъ.
4. Въ Ерм. приб.: „и заповѣда имъ вскорѣ возвратитися.“
5. Ерм. требуетъ.
6. Въ Ерм приб.: „Кіевскаго“.
7. Игор. п. 11. Ольгово хороброе гнѣздо.