веде насъ отъ страсти[1] Еллинскія; ему же откры Господь православную вѣру, якоже оному Стратилату[2] и паки онъ же заповѣда намъ ту вѣру крѣпце держати и поборати по ней; но азъ, братіе, за вѣру христіанскую готовъ есмъ оумерети.“ И рече Князь Владимеръ Андрѣевичь и вси Рускія Князи: „Воистинну, господине, законную заповедь крѣпко совершаеши, и святому Егангелію послѣдуеши. Писано бо есть, аще кто постражетъ за имя мое, азъ оупокою его. Мы же, господине, готовимся оумерети и главы своя сложити за святыя церкви и за Христову вѣру и за твою обиду[3] Великаго Князя.“ Князь же Великіи Димитреи Ивановичь слышавъ от брата своего[4] и от всѣхъ Рускихъ Князей, яко дерзаютъ и побораютъ по православной вѣрѣ Христовѣ. Князь же Великіи рече всѣмъ Князямъ и Воеводамъ быти на Оуспеніе святѣй Богородицы на Коломну, яко да преберемъ полки и давъ коемуждо полку воеводу.[5] В тоже время приспѣли Князи Белозерскіи[6] подобни суть воиномъ крѣпкимъ, вельми доспѣшни и кони воински наряжены под ними; пріиде Князь Феодоръ Семеновичь
