коея ради потребы пріидоша ко мнѣ[1]? воистинну есте ревнители отца нашего Авраама, яко тайны Лотовы въскорѣ испыта[2] и подобни есте доблественному Великому Князю. Ярославу, яко той есть отмсти обиду въскорѣ брату своему.“ Тѣже отославъ Князь Великіи ко Преосвященному Митрополиту, и рече: „Олгирдовичи пріидоша ко мнѣ на́ пособь со многими силами, отца своего оставиша поруганна.“ Скороже вѣстникъ пріехавъ ко Преосвященному Митрополиту Кипреяну[3] Архіепископъ ставъ пред образомъ Господнимъ и прослезився от радости, нача молитву творити: „Господи владыко человѣколюбче, яко сопротивники наши вѣтри на тишину предлагаеши.“ И пославъ во вся соборы церковныя и во обители святыя, повелѣ молитвы творити день и нощь; борзѣе всѣхъ посла во обитель игумена Сергія, яко Ангели молитвъ ихъ послушаютъ.[4] Княгиня же Великая Евдокѣя слышавъше толико Божіе милосердіе[5] и много молитвы[6] сотвориша оубогимъ, сама же непрестанно ходяще к церкви день и нощь. Но се паки оставимъ[7].
- ↑ Ерм. приб: „азъ убо разумѣю, яко не меня ради пріидосте сѣмо, но Господь посла васъ въ путь свой.“
- ↑ Ерм. тайно воскоръ Лотови поможетъ.
- ↑ Древн. Росс. Вивл. XVI, 232. Царст. кн. 208, 222.
- ↑ К. Оболен. да не когда послушаетъ Богъ ихъ молитвы.
- ↑ Никон. л. VII. 116, 17. Царст. кн. 220.
- ↑ Ерм. милостынѣ.
- ↑ Ерм. приб: „на первое возъидемъ.“ К. Оболен. „и паки на прежнее возвратимся.“