По малѣхъ же днехъ, снидошася к желанію два брата со всѣми силами своими[1] и вѣру свою видѣвше, возрадовашася, яко же Иосиѳъ с Веньяминомъ.[2] Видѣвше оу себе множество людеі и единосердечно оуряженіе, яко наро́читые суть ратнѝцы, приспѣша же на Донъ вборзе и наѣхаша Великаго Князя оу Дону на брѣвѣ[3] стояща: и ту совокупишася Велицые Князи. Князь же Великій Димитрей съ братомъ своимъ[4] вельми возрадовашеся великой силѣ Божіи, яко неоудобь быти мочно таковому востанію, яко дѣти оставиша отца и поругашеся смоу, яко же иногда волсви Ироду; Князь же Великій Дмитреі многими дарами почтивъ ихъ, идяху в путь свой, радующеся и веселящеся о святѣмъ дусѣ, земнаго же ничто же помышляюще, но всего отвергошася, чающе себѣ иного времени[5]. Рече бо имъ Князь Димитрей Ивановичь: „Братія милая,
- ↑ Ерм. къ сѣверу.
- ↑ Царск. пробавл: „и рече Князь Андрей: брате Князе Димитрию, сколько с нами вою оудалыхъ людей и храбрые Литвы? и рече Князь Дмитрей: вою с нами ҂о кованые рати. Храбрые Литвы учреждено бо, яко нарочитіи противніи полцы.“
- ↑ Ерм. обою страну Дону полцы расположены на мѣсцѣ, нареченномъ Березуй. Тоже и въ Снг. спискѣ. К. Оболен. на мѣстѣ, реченномъ подъ березою, а Никон. л. IV, 104, нарицаемое Березу.
- ↑ Ерм. и К. Оболен. приб: „Володимеромъ ижъ совокупистася съ ними Олгирдовичи, Князь же Андрѣй Полоцкій и Князь Дмитрій Бронскій.“
- ↑ Ерм. приб: „глаголюще собѣ безсмертнаго иного премѣненія.“
