есть полковъ крестьянскихъ: всѣ полки Татарские. Видѣвъ же то Князь Володимеръ Андрѣевичь[1], не могій побѣды терпѣти, и рече Димитрею Волынцу: „Брате Димитрей, что оубо ползуетъ наше стояніе, да кому хощемъ по́мощи[2]?“ И рече ему Димитреі Волынецъ: „Бѣда велика, Княже; не оуже бо еще пришла година. Начиная бо без времяни, бѣду себѣ пріемлютъ. Мало оубо потерпимъ[3], и онъ же часъ имамъ отдаріе[4] отдати противникомъ; токмо нынѣ призывайте Бога и ждите осмаго часа, в онь’ же имать быти благодать Божія и крестьянская помощь.“ Князь же Владимеръ Андрѣевичь воздѣвъ руцѣ свои на небо и рече: „Боже отецъ нашихъ, сотворивыи небо и землю[5]! не дай же, Господи, порадоватися врагомъ нашимъ о насъ[6]!“ Сыновеже Рускіи в полку его плачющеся, видяще други свои побиваеми, непрестанно порывающеся, аки званныи на бракъ сладкаго вина пити. Лепо бо есть в то время и стару помолодитися, а молоду храбрости испытати. Волынецъ же воз’браняше имъ, рече: „Мало пождите, буявіи[7]
- ↑ Ерм. приб: „великую побѣду хрістіанскую, аки класы бо пшеничныи подавляемы терніемъ, а терніе ростяше и буяше.“
- ↑ К. Оболен. приб: „кій успѣхъ будетъ намъ, иже кому имъ пособити?“
- ↑ Ерм. приб: „до времени подобна.“
- ↑ Снг. и К. Оболен. воздаяние.
- ↑ Ерм. и К. Оболен. приб: „предстоящая на ны крамолы даютъ.“
- ↑ Ерм. и К. Оболен. приб: „мало показни насъ, много помилуй: бездна бо еси милости.“
- ↑ Снг. мудріи. К. Оболен. буеви сынове есте.
