хотяще[1] считати людей Израильскихъ, яко речено: совѣтоваша ему всѣ Сигклитове, да не сосчитаетъ, понеже умножилъ Господь людъ Израилевъ, по обѣщанію своему ко Аврааму, аки песокъ морскій, и превозможе, рече, глаголъ Царевъ: сирѣчь не послушалъ Совѣтниковъ своихъ и повелѣлъ считати людъ, дани ради бо̀льшія. Забылъ ли еси, что принесло[2] непослушаніе Сигклитскаго[3] совѣта, и яковую бѣду навелъ Богъ сего ради? Мало весь Израиль не погибе, аще бы Царь покаяніемъ и слезами многими не предварилъ.59) Запомнилъ ли еси, что гордостъ и совѣтъ юныхъ, а презрѣніе старѣйшихъ совѣту, Ровоаму безумному принесло? И иныя всѣ безчисленныя во Священныхъ Писаніяхъ о семъ учащія оставя, вмѣсто тѣхъ шептаній,[4] пребеззаконный глаголъ[5] Царю Христіанскому, покаяніемъ очищену сущу, во уши всѣялъ еси. Подобно лѣнился еси прочести златыми усты вѣщающаго о семъ въ словѣ[6] о Духу Святомъ, ему же начало: Вчера отъ нась любимицы; такоже и во другомъ словѣ, въ послѣдней похвалѣ о Святомъ Павлѣ, сирѣчь во 9-й,[7] емужъ начало: Обличили насъ друзи нѣкоторые, яко онъ похваляетъ нарицающе даръ духа совѣтъ отъ Бога данный, идѣже въ нихъ разсуждаетъ о различныхъ дарованіяхъ духа, яко мертвыхъ воскрешати и предивныя чудеса творити и различными языки глаголати, дары духа нарицаетъ, такожъ и совѣтовати[8] полезныя на прибыль Царства, даръ
