ще ихъ, и отбишась отъ него, и поиде отъ нихъ предъ солнечнымъ[1] заходомъ со великою тщетою.70) Поиде же скоро ко Ордѣ своей: бояшебося сзади нашего войска за собою. И пріѣхаша тѣ всѣ Стратилати съ воями[2] здравы ко Царю нашему.
Царь же нашъ, егда о пораженіи своихъ не вѣдяше, скоро шелъ и со великимъ потщаніемъ сопротивъ Царю Перекопскому:[3] ибо егда пришелъ отъ Москвы ко Окѣ рѣкѣ, не сталъ тамо, идѣже обычай бывалъ издавна застановлятися Христіанскому войску противъ Царей Татарскихъ;71) но превезшеся за великую Оку рѣку, пошелъ оттуду къ мѣсту[4] Тулѣ, хотяще съ нимъ битву великую свести. Егдажъ аки половину отъиде отъ Оки до Тулы, приде къ нему вѣсть, иже поражено[5] войско Христіанское отъ Царя Перекопскаго; потомъ, аки по годинѣ,[6] раненые наши воины нѣцыи усрѣтошася.[7] Царевижъ нашему и многимъ совѣтникомъ его абіе мысль отмѣнишась, и начаша инако совѣтовать ему, сирѣчь: да идетъ паки за Оку, а оттуды къ Москвѣ. Нѣцыи мужественнѣйшіе укрѣпляюще его и глаголюще: „да не дастъ хребта врагу своему и да не посрамитъ прежнія славы своея добрыя и лицъ всѣхъ храбрыхъ своихъ, и да грядетъ мужественнѣ сопротивъ врага Креста Христова.“ И рече: „аще онъ и выигралъ, за грѣхи Христіанскіе, битву, но обаче уже утружденно войско имѣетъ, такоже множество ра-
