и яковую помощь отъ того имѣете, въ предреченной неслыханной лютости разсмотрите! Мнози бо, яко слышахомъ многажды, за мало сіе еебѣ важатъ[1] и смѣющесь глаголютъ: „малъ сей грѣхъ, и удобнѣ покаяніемъ исправится.“ Азъ же глаголю: не малъ! и воистинну превеликъ зѣло, понеже тѣмъ Божію заповѣдь великую во обѣтованію раззоряете: бо Господь глаголетъ: да не убоишися никого же, а ни послужиши, сирѣчь: ни у когоже помощи не имаши[2] развѣ меня, а ни на небеси горѣ, а ни на землѣ низу, а ни подъ безднами;[3] и паки: аще кто отвержется мене предъ человѣки, отвержуся и азъ его предъ отцемъ моимъ небеснымъ. И вы, забывше таковыя страшныя заповѣди Господа нашего, течете къ діаволу, просяще его чрезъ чаровники! А чары,[4] яко всѣмъ есть вѣдомо, безъ отверженія Божія и безъ согласія со діаволомъ, не бываютъ. Воистинну, яко мню, и се неисцѣлимый грѣхъ есть тѣмъ, иже внимаютъ имъ, и ко покаянію неудобенъ: неисцѣльный[5] и того ради, зане за малый его себѣ мните; неудобенъ же ко покаянію, понеже безъ отверженія Іудина,[6] чары и относы и смыванія, прежнія ради купѣли, и стиранія союзми ради[7] святаго помазанія, шептанія же скверныя, явственныхъ ради обѣщаній ко Христу на святомъ крещенію, и относы, приношенія ради на святомъ жертовницѣ[8] у пресвятаго[9] агнца, и
