безъ согласія, сирѣчь, безъ обѣщанія діаволу и безъ отверженія Христова, яко рѣхомъ, чаровницы сихъ не могутъ дѣйствовать; но всяко діяволомъ,[1] тѣхъ ради всѣхъ, отъ предреченныхъ презлыхъ человѣковъ согласниковъ діаволихъ умышлено. Господь Богъ нашъ, премногія ради благодати своея, да избавитъ всѣхъ правовѣрныхъ отъ таковыхъ! Аще же кто таковымъ не внимаетъ, тому и боятися не подобаетъ: понеже яко дымъ отъ знаменія честнаго креста исчезаетъ и отъ простыхъ[2] людей вѣрующихъ во Христа, нетокмо отъ искусныхъ Христіанъ, доброю совѣстію живущихъ, у которыхъ бываютъ на сердцахъ скрижалей плотяныхъ написаны заповѣдей Христовыхъ Евангельскія слова: о семъ бо и самъ Богъ-Слово свидѣтедьствуетъ въ молитвѣ оной, ею же поучалъ ученики свои молитися, при концѣ глаголюще:[3] яко есть твое царство и сила и прочее. Блаженный же Златоустъ ясно толкуетъ въ бесѣдѣ 19, еже отъ Матвѣя Евангеліе: „иже нѣсть царство, а ни сила иная, а ни боятись кого достоитъ Христіаномъ, развѣ единаго Бога, аще и діаволъ нѣгдѣ на насъ возмогаетъ мученьми, сіе Богу попущающу; а онъ безъ воли Божіей, аще и злорадный[4] и прелютый и непримирительный врагъ нашъ, не токмо на насъ человѣковъ не возмогаетъ, ни на свиніяхъ, ни на воловыхъ стадахъ, ни на другихъ скотѣхъ безъ Божія воли.“ Яково[5] все свидѣ-
