по нареченію Казаринова, и съ сыномъ единороднымъ Ѳедоромъ, въ цвѣтущемъ возрастѣ сущимъ, служащаго много лѣтъ вѣрнѣ Имперіи[1] Святорусской. А погубилъ его таковымъ образомъ: егда избранныхъ катовъ[2] послалъ изымати его, онъ же, видѣвъ ихъ, уѣхалъ былъ предъ ними во единъ монастырь, на Окѣ рѣкѣ лежащь, и тамо принялъ на ся великій Ангельскій образъ: егдажъ посланные отъ Мучителя Кромѣшники начаша пытатися[3] о немъ, онъ же, послѣдующе Христу своему, уготовався сирѣчь принявши святыя тайны, изыде во срѣтеніе симъ[4] и рече со дерзновеніемъ: „азъ есмь, егожъ ищете!“ Они же яша и приведоша его связанна предъ него въ кровопійственный градъ, глаголемый Слободу; звѣрь же словесный, егда узрѣлъ его во Ангельскомъ чину, абіе возопилъ, яко сущій ругатель тайнамъ Христіанскимъ: „Онъ, рече, Ангелъ: подобаетъ ему на небо возлетѣти.“ И абіе бочку пороху, або двѣ, подъ единъ срубецъ повелѣлъ поставить, и привязавши тамо мужа взорвати179)… Воистинну злымъ произволеніемъ согласяся со отцемъ своимъ, съ сатаною, неволею правду провѣщалъ еси прелукавыми усты! Яко древле Кайяфа, бѣсящеся на Христа, неволительнѣ пророчествующе, такожъ и ты здѣ, окаянный! реклъ еси, ко восхожденію небесному[5] вѣрующимъ во Христа, паче же мученикомъ: понеже Христосъ страстію своею, изліяніемъ наи-
