царице и великой княгинѣ Аннѣ здоровати, и бояре всѣ и дьяки и дети боярские.
А дьяки пѣвчіе на оба крылоса пѣли многолѣтство царю и великому князю Ивану Васильевичю всеа Русиі и его царице и великой княгине Анне.
А отъ церкві пошелъ царь и великиі князь въ тѣжъ сторонние двери да пошелъ къ себѣ; а царица и великая княгиня поѣхала отъ церкви въ тѣхъ же саняхъ, а свахі обоі съ нею же. ||
13.|| Да какъ царь и великиі князь, пріѣхавъ отъ церкви, сшелъ съ коня, а царица и великая княгиня Анна вышла іс санеі и царь и великиі князь взялъ царицу и великую княгиню за руку да пошелъ съ нею вмѣсте; а въ тѣ поры того берегли накрѣпко, чтобъ межъ государя и государыни и промежъ всякого чину не проходилъ нихто; да отпустилъ государь царицу въ своі хоромы, а самъ государь пошелъ къ завтраку въ столовую ізбу.
А коі часъ государь съ коня ссѣлъ, і тоть часъ на государевъ конь сѣлъ въ яселничего мѣсто, кому государь велѣлъ.
А на царицыно мѣсто сѣла въ яселничего же мѣсто въ сани, кому государь же велѣлъ, да отъѣхал[а] въ санехъ на конюшну, которая на государеве дворѣ. || 14.А свечи и короваи несли къ постеле да поставили короваи и свечи обе вмѣсте въ одну кадь во пшеницу у постели въ головахъ.
А обручей съ нихъ не снимали во всѣ въ три дни. А какъ три днп отошли, і свечи обе соскали вмѣсто (sie)[1] да поставили въ церкве.
А сенникъ постелной оболоченъ былъ снутри запонами, да по четыремъ угломъ воткнуты были стрелы, а на нихъ по одному соболю да по колачю, а на лавкахъ по угломъ же поставлено было по оловянику меду.
А постелю слали въ сеннику на сноповье на ржаномъ по обычаю, вшедъ въ сенникъ на правой сторонѣ, а подъ постелю послано было тридеять сноповъ.
А после завтрака ѣздѣлъ государь по церквамъ, а приѣхавъ отъ церквей и какъ ссѣль съ коня, і сидѣлъ на конѣ въ яселничего мѣсто, кому онъ государь