приказалъ, і ѣздилъ тотъ, кому государь велѣлъ, весь столъ и во всю ночь кругъ подклѣта съ саблею з голою и съ мечемъ.
Да послалъ государь царь, а велѣлъ царице итти къ столу, и царица и великая княгиня изъ своихъ хоромъ шла къ столу. А свахи и боярыни съ нею; а пришедъ царица и великая княгиня Анна въ полату || 15.къ столу, сѣла на своемъ мѣстѣ, а свахи сѣли по своимъ мѣстамъ.
А боярыни всѣ сѣли за болшимъ столомъ по лавки по росписи.
А царь и великій князь Иванъ Васильевичъ всеа Русиі напередъ себя послалъ за столъ сына своего царевича князя Ѳедора да за нимъ, кому велѣлъ государь, бояромъ и дѣтемъ боярскимъ итти.
И царевичъ князь Ѳедоръ, вшедъ въ полату, сѣлъ на болшомъ мѣсте, а тѣхъ, хто пришелъ за нимъ, посадилъ на околничемъ и въ кривомъ столѣ, гдѣ хто сидѣлъ по росписи.
Да затѣмъ самъ государь царь и великиі князь Иванъ Васильевичъ всеа Русиі пошелъ къ столу, да вшедъ въ полату, сѣлъ на своемъ мѣсте.
А тысетцкой сынъ его царевичъ князь Иванъ сидѣлъ с отцемъ, а друшкамъ велѣлъ сѣсти по своимъ мѣстомъ, а бояръ и дворянъ изсажалъ по всѣмъ столомъ; да какъ изсажалъ всѣхъ, і поставили || 16.передъ царя и великого князя и передъ его царицу и великую княгиню Анну куря верченое.
І большой дружка, вставъ, обертилъ куря з блюдомъ і съ перепечою и съ солонкою скатертыо верхнею да отнесъ къ постеле.
А царь и великиі князь велѣлъ въ столы ставить по росписи, какова роспись дана была на Дворецъ.
А какъ по поре царь і великиі князь изъ-за стола пошелъ къ постеле і съ царицею и великою княгинею Анною, принявъ за руку, а съ нимъ и съ царицею тысетцкой царевичь князь Иванъ и дружки и свахи всѣ, а кому і иному царь і великиі князь велѣлъ ітти, і тотъ съ нимъ шелъ до дверсі тоі полаты, хто выдавалъ. ||
17.А какъ царь и великиі князь пришелъ къ дверемъ и