Ѡ радостехъ школскихъ (Духнович)/ДО

Материал из Викитеки — свободной библиотеки
Мамко, мамко, купъ ми книшку...
авторъ Александр Васильевич Духнович (1803 — 1865)
Источникъ: Книжицѧ читалнаѧ длѧ начинающихъ. А. Д. ВЪ БУДИНѢ ГРАДѢ, писмєны Крал: Всєучилища Пєштанскагѡ. 1847. Факсимиле первого издания. Издательство «NITECH s.r.o.», Прешов, 2003.


* * *


 Мамко, мамко, купъ ми книшку,
Тинту, папїрь и табличку,
   Бо ꙗ пойду до школы,
   Ѹчитисѧ поволи.

Бо ꙗ бы сѧ радъ ѹчити,
Ꙗкъ бы Богу послужити,
   Ꙗкъ бы людєй ѹчтити
   И ꙗкъ спасєннымъ быти.

Повѣдаютъ, жє во школѣ
Дѣти знаютъ доброй долѣ,
   И ꙗ бы хотѣлъ знати,
   Ꙗкъ сѧ ми справовати.

Дѣти въ школѣ сѧ молити
Ѹчатъ краснѡ говорити,
   Знаютъ тонкѡ спѣвати,
   Каждому чєсть давати.

Тамъ ѹчатсѧ, ꙗкъ на свѣтѣ
Трєба мудрѡ, чєстнѡ жити,
   Ꙗкъ трєба сѧ сповѣдати
   И ꙗкъ всѧгды справовати.

Ꙗ бы вшытко хотѣлъ знати
И чєстнѡ сѧ справовати,
   Купъ ми, мамко, книжєньку
   Хоть лємъ таку малєньку.