Агнец седмую печать отрешает, седми же аггел с трубами являет.
Единаго же кадило держаща, святых молитвы к Богу возносяща.
Еже поверже с огнем от престола, быша же громи из небесна кола.
10
Се первый аггел явися трубящий, огнь же третию часть древес палящий.
Всю же снедает траву земленую, веселящую зрак и любленную.
11
Егда же вторый аггелов воструби третию моря часть огнем погуби.
Часть же душ в мори сущих умертвися, им же множество кораблей растлися.
12
Аггел же третий явися трубящий и звезда яко светилник горящий
Спаде на часть вод и источник земных, исполни же я горестей подземных.
Яже апсинфос звание имяше, горестию же вод люд умерщвляше.
