Четвертый аггел егда бе трубящий, солнца, луны же и звезд треть вредящий.
Такожде и дне, еже не светити и во мрак ся им веема претворити.
Аггел же зрится в небеси летающ и горе, горе, горе возглашающ.
14
Егда же пятый аггелов трубяше, Богослов звезду падшу с неба зряше.
Ей же студенца бездны ключь дадеся, множество же пругов и дым вознесеся.
Солнце и аер дымом омрачися, от пругов же люд зол сущ уязвися.
15
Егда же шестый аггелов трубяше един от рогов олтаря глашаше.
Разреши аггел в Евфрате четыре, да избиют треть люда суща в мире.
Всадник же кони лвоглавны имущих зряше Богослов с бронями сущих.
16
Се аггела зрит от небес идуща Богослов, в облак облеченна суща.
Солнцелична же и дугу имуща на главе; книгу к нему же несуща.
Иже на земли и на мори сташа, ноги же яко столпы сей имяше.
Книгу же даде Иоанну ясти, сказа же ему быти во напасти.
1679
Последнее восьмистишие относится к фрагменту из Откровения Иоанна Богослова, 10.1-3: «И видел я другого Ангела сильного, сходящего с неба, облеченного облаком; над головою его была радуга, и лице его как солнце, и ноги его как столпы огненные, в руке у него была книжка раскрытая. И поставил он правую ногу свою на море, а левую на землю, и воскликнул громким голосом...»
