Святии по трех днех возставляются, побити бывше в небо ввождаются.
Их же умучи зверь из бездны сущий прежде брань с ними зле воздвизающий.
По сем часть града десятая паде и погибели многий люд предаде.
18
Жена преславно одеянна сущи в солнце, звезды же за венец имущи,
Явися в небе на луне стоящи и змий сед могла в явися ю зрящи.
Стояще же сей хотя поглотити плод жены, иже хотяше родити.
Но рожденное к Богу вознесеся, от вод же змиа жена соблюдеся.
19
Иоанн егда на песце стояше, от моря зверя восходяща зряше.
Иже седмоглав и роги имяше, честно же ему люд поклон творяше.
Ин же от земли зверь происхождаше и оному честь творити веляше.
20
Агнец на горе Сион стоящь зрится, с небесе же песнь новая гласится.
И аггел среди небесе парящий. Евангелие Божие носящий.
Ин же паде град Вавилон зовяще, паки ин чашу гнева злым являше.
