ВРУЧАНIЕ
Я Русинъ былъ, есмь, и буду,
Я родился Русиномъ,
Честный мой родъ не забуду,
Останусь его сыномъ;
Русинъ былъ мой отецъ, мати,
Русская вся родина,
Русины сестры, и браты
И широка дружина;
Великій мой родъ, и главный,
Міру есть современнiй,
Духомъ и силою славный,
Всѣмъ народамъ пріемный.
Я свѣтъ узрѣлъ подъ Бескидомъ,
Первый воздухъ русскій ссалъ,
И кормился русскимъ хлѣбомъ,
Русинъ мене колысалъ.
Коль первый разъ отворилъ ротъ,
Русское слово прорекъ,
На аз-буцѣ первый мой потъ
Съ молодого чела текъ.
Русскимъ потомъ я питанъ былъ,
Русскимъ ишолъ росходомъ
Въ широкій свѣтъ; но не забылъ
Съ своимъ знатися родомъ. —
И теперь, кто питаетъ мя?
Кто кормитъ, кто мя держитъ?
Самое русское племя
Мою годность содержитъ!
Прото тебѣ, роде мой,
Кленуся живымъ Богомъ,
За печальный потъ и трудъ твой
Повинуюся долгомъ.
И отдамъ ти колько могу:
Прійми той щирый дарокъ,
Прійми вотъ маленьку книгу,
И сей писменный рядокъ.
Прочее же не забуду
Сердца моего скруху
Пожертвовати; — я твой буду,
Твоимъ другомъ и умру.
1850
Послѣдня моя пѣснь
Ой, дѣтята — соколята,
Змагайте ся на крылята!
Бо я уже соколъ старый,
Ужъ мнѣ крыла поламаны.
Горѣ-долов лѣтаючи,
Свои дѣти питаючи,
От юности до старости
Изнемогли жилы, кости.
Ах, лѣтал и я высоко,
Понурял ся я глубоко,
Плывя по шумным струям,
Без кормщика правил сам.
А колько то стихий бурных,
Колько молний и стрѣл буйных
Изнес од врагов природных,
И од чужых и од родных.
Не красил ся пѣрем чужым,
А крѣпил ся духом дужым,
Не измѣнял ни на страстях,
Терпѣл бѣду в тых напастях.
Все охота, всюды ловы
Строят нелѣпыя совы
На невинныя дѣтята,
На безвредны соколята!
А зозуля, хытра птиця,
Прогульная бездѣлниця
Выброшает птеня мое
Несет в гнѣздо яйце свое!
Скубли врагы зо всѣх сторон,
Выставляли мня на сором,
Розбивали, як колокол,
Но я остал старый сокол.
Был соколом для родины,
Спѣвал пѣснѣ соколины,
Учил так и вас спѣвати,
По соколему лѣтати.
Так, дѣтята-соколята,
Змагайте ся на крылята,
Старый сокол уж не может,
Он вам болше не поможет.
Бѣлый ваш свѣт, бѣлый свѣт,
В нем доселѣ грѣха нѣт,
Не берѣте чуже пѣря,
Бо то ваших лиш потеря.
С мыслию о горней жизни
Жийте благо для отчизны,
А чужины стережѣтся,
Чуже в вас не устоит ся.
А я, звершив мою жизнь,
Днесь пою послѣдну пѣснь,
Пѣснь послѣдну для вас милых,
Соколиков сизокрылых.
На Бескидѣ в родном краю,
В том исконно русском раю,
Де свѣт узрѣл, там лежати
Хочу — вѣчно спочивати.
Схоронѣте мня в дубравѣ,
При скалах в густой темрявѣ,
Сами здоровы спѣвайте,
А на батька памятайте!
Жаба.
Што там кричит,
А што гучит,
Якый дѣдко наперат?
Ци то рано, ци то з ночи,
Ци в полудне, ци в полночи
Скарѣдно ся раздерат?
Чей сорока
Бѣлобока ?
Чей ворона ся давит?
Скреже зубами: кра, кра, кра,
Дусит ся грудьми: ква, ква, ква,
Ачей дѣдко ся бавит?
То мереке,
То береке,
Коа, трете, трити, тав;
Гучит, ги сова: гу, гу, гу,
Скучит, ги туток: ту, ту, ту,
Бреше, ги пес: гав, гав, гав.
То не птица,
Бо галица
Не на деревѣ черчит,
Ай по млацѣ чеперит ся
И у воду занурит ся,
По болотѣ верещит.
Теперь знаю,
Понимаю,
Што за бѣда так бреше:
То страпата, коропата
Ряба жаба; ой проклята,
У болотищу креше
О, ждай, ряба,
Брыда жаба, —
Дѣдко бы тя брав и чорт! —
Придут Нѣмцы, рукавицы
Стягнут ти и ногавицы,
Замовкне твой громкый рот.