Домострой. По рукописям Императорской Публичной Библиотеки (Яковлев 1867)/I/13/ДО

Материал из Викитеки — свободной библиотеки

[29]
ГЛАВА ГI[1].
КАКО ВЪ ЦЕРКВИ МУЖУ И ЖЕНѢ МОЛИТИСЯ, И ЧИСТОТА ХРАНИТИ И ВСЯКОГО ЗЛА НЕ ТВОРИТИ.

Въ церкви стояти на всякомъ пѣніи со страхомъ, и съ молчаніемъ молитися; а дома всегда повечерница и полунощница пѣти. Кто правитъ[2] правила своего ради спасенія, [30]ино то на его воли, то боле мзда отъ Бога. А женамъ къ церкви Божіи ходити какъ вмѣстимо на произволеніи, по совѣту съ мужемъ; а въ церкви ни съ кѣмъ не бесѣдовати, и съ молчаніе[3] стояти, и со вниманіемъ слушати божественаго пѣнія и чтенія, ни куды не озираяся[4], ни на стѣну не приклонятися, ни къ столпу; ни съ посохомъ не стояти; ни съ ноги на ногу не переступати; руцѣ имѣти согбени къ персемъ, крестообразно; твердо и непоколѣбимо; тѣлесніи очи дому имѣти, а сердечніи горѣ; молитися Богу со страхомъ и трепетомъ со воздыханіемъ и со слезами, и до отпѣнія изъ церкви не изходити; а приходити къ началу. А недѣли и праздники Господскія[5], и среды и пятки, и святыи великіи постъ и богородиченъ въ чистотѣ пребывати; а отъ объяденія и піянства и отъ пустошныхъ бесѣдъ и смѣхотворенія неподобнаго, всегда беречися, а татъбы, и блуда, и и лжи и клеветы, и зависти и всякого неправедного собранія и ростовъ, и корчмы, и мыта[6] и всякого лукавства не любити и не гнѣватися ни на кого[7] и не помнити зла; и разбоя и грабленія и всякого насилія и не праведнаго суда отънюдь не творити. А[8] ранняго питія и яденія и поздняго послѣ вечерняго пѣнія отнюдь не творити жъ; ясти бы и пити во славу Божію, и въ подобно время. А малымъ дѣтемъ и работнымъ по разсужденію[9] кормити ихъ. Или невѣсте яко неправеднецы царствія Божія не наслѣдятъ, якожъ [31]Павелъ рече: аще нѣкіи братъ именуется блудникъ или лихоимецъ, или идолослужитель, или ругатель, или піяница или хищникъ съ таковымъ ни ясти ни пити, и паки рече: нельстити себе ни блудники[10] ни идолослужители, ни прелюбодѣи[11], ни малакія, ни мужеложниоы, ни лихоимцы, ни татіе, ни піяницы, ни досадители, ни хищницы царствія Божія не наслѣдятъ; но достоитъ всякому христіянину отъ всякого зла блюстится[12]. А всякому христіанину всегда четки въ рукахъ держати и молитва Ісусова во устѣхъ непрестанно имѣти, и въ церкви и въ дому, и въ торгу ходя, и стоя, и сѣдя, и на всякомъ мѣстѣ; по пророку Давиду: на всякомъ мѣстѣ: благослови душе моя Господа, глаголати жъ еще молитва: Господи Ісусе Христе сыне Божіи помилуи мя грѣшнаго еще глаголяти Х҃ молитвъ; а седмое сто пречистои еже есть: Владычице моя пресвятая Богородице помилуи мя грѣшнаго, и паки обращатися на первое и еще глаголати всегда. Аще кто сію молитву, требуя ея, глаголетъ, яко изъ ноздрію дыханіе по первомъ лѣтѣ вселится въ него Христовъ сынъ Божіи; по второмъ лѣтѣ внидетъ въ него Духъ Святыи, по третьемъ лѣтѣ пріидетъ къ нему Отецъ; и вшедъ въ него, и обитель въ немъ себѣ сотворитъ Святая Троица; и пожретъ молитва сердце, а сердце пожретъ молитву и начнетъ клицати безпрестанно сію молитву, день и нощь; и и будетъ свободенъ[13] отъ всѣхъ сѣтеи вражіихъ, о Христѣ Ісусѣ Господѣ нашемъ, нынѣ и присло и во вѣки вѣкомъ[14] [32]аминь. И причистая Богородица со всѣми небесными силами, и со всѣми святыми, будетъ помощница отъ всѣхъ кознеи діявольскихъ, въ семъ вѣцѣ и въ будущемъ, вѣрою молящемуся, и въ заповѣдехъ Божіихъ пребывающу.

Примѣчанія[править]

  1. Въ Р. Т. № 38 глава ГI. Конш. гл. XIII.
  2. Р. Т. № 38 и Конш.=прибавитъ.
  3. Р. Т. № 38 и съ послушаніемъ Конш. и послуга.
  4. Конш.=обзирался.
  5. Арх. Цар. Болш.=Господни.
  6. Конш. и перевозовъ и мостовщины.
  7. Въ Р. Т. № 38 слѣдуетъ пропускъ.
  8. Въ Р. Т. № 38 продолжается.
  9. Р. Т. № 38 и Конш. мужа и жены.
  10. Арх. Цар.=блудницы.
  11. Р. Т. № 38 и Конш. ни сквернителе
  12. Р. Т. № 38 здѣсь оканчивается глава.
  13. Болш. Арх. Цар. Пог.=свободь.
  14. Ibid.=ему же слава во вѣки.


Это произведение перешло в общественное достояние в России согласно ст. 1281 ГК РФ, и в странах, где срок охраны авторского права действует на протяжении жизни автора плюс 70 лет или менее.

Если произведение является переводом, или иным производным произведением, или создано в соавторстве, то срок действия исключительного авторского права истёк для всех авторов оригинала и перевода.