А в которыя любо праздники, по обещанию своему или немощи ради, или маслом кого свящати, да призывают священнический чин в дом свой, елико по силе и моление[3] совершают, о всяким прошении; и молятся за царя и великаго князя[4] имярек и за его царицу и великую княгиню имярек и за их благородныя чада[5] и за бояре и за[6] христолюбивое воинство, иже[7] победу на враги, и о плененных свободе, и о святителех, и о всем священническом и иноческом чину, и о всяком приношении[8] и за вся християны, и о домовнем муже и жене, и чадех, и о домочадцех, и о всех полезных им. Аще когда требуют и воду святят животворящим крестом и с чюдотворных образов и с честных мощи, и за болящаго масло свящают, во здравие и во исцеление; а когда масло свящати над болящим в дому, да призовут седмь священников иль множае, а дьяконов колко лучится[9], а масло свящают и все действуют по уставу, и кажение по всему храму от дьакона или от попа; и святою водою кропление, и честным крестом осенение от болшаго попа. И вкупе в дому сем благодаряще Бога[10]. Тако же и по родителех преставльшихся память творити во святых Божиих церквах и в монастырех панихиды соборныя пети; и божественная литургия служити, и в трапезе братия кормити за упокой, и за здравие; и в дом свой призывати[11] и кормити и поити и милостыня творити, а вода святити Генваря 6-й день и Августа 1-й день и всегда единым животворящим крестом, погружает[12] его 3-жды в чаши, святитель или священник, глаголяще тропарь: «Спаси Господи люди своя» 3-жды, а на Богоявлении тропарь: «Во Иордани крещающутися, Господи» 3-жды, а на блюде лежат святые кресты и иконы и чюдотворныя святыя мощи, и из чаши выимая крест над блюдом держати; и со креста вода идет на ту святыню; и по погружении креста, и по освящении воды, помазуют губою, омакая в ту святую воду честныя кресты и святыя иконы и чюдотворныя мощи, елико суть во святом храме или в дому, глаголюще тропари коемуждо святому, помазующе святую икону; и с тех икон губу выжимати в туж святую воду; и паки иныя святыни помазати такожде, и тою святою водою кропить алтарь и весь святый храм, крестообразно, и в дому такоже во всех храминах кропити и весь народ[13]; и достойнии со верою помазуются, и пьют ея, на исцеление и очищение душам и телам, во оставление грехов и в жизнь вечную.
Примечания[править]
- ↑ В Р. Т. № 38 и Конш. глава X.
- ↑ Ibid. и иноков.
- ↑ Конш. = молебная.
- ↑ Р. Т. № 38 и Конш. всея Росии самодержца.
- ↑ Конш. и за братью
- ↑ Р. Т. № 38 все.
- ↑ Пог. = о еже подати.
- ↑ Арх. Болш. Цар. Пог. = прошении.
- ↑ Р. Т. № 38 = и о здравии над каноном или за упокои над кутиею поют, по представльшихся жизни сея.
- ↑ В Р. Т. № 38 Арх. Пог. Цар. Болш. этого места нет, вместо него идет следующее: по божественней литоргии, трапезу представляют; и ядят и пьют священническии чин и мнишескии и прочии приходящии, а маломожныя братия тутож и удоволены всячески и одарены отходят в домы своя, благодаря Бога. Затем продолжается как в нашем тексте.
- ↑ Пог. Бол. и напоити.
- ↑ Ibid. = погружая.
- ↑ Цар. = и на дворе всем.
