Домострой. По рукописям Императорской Публичной Библиотеки (Яковлев 1867)/I/14/ДО

Добавить ссылки
Материал из Викитеки — свободной библиотеки

 

[35]
ГЛАВА ДI[1].
КАКО СВЯЩЕННИКОВЪ[2] ВЪ ДОМЪ ПРИЗЫВАТИ И МОЛИТИСЯ БОГУ.

А въ которыя любо праздники, по обѣщанію своему или немощи ради, или масломъ кого свящати, да призываютъ священническіи чинъ въ домъ свои, елико по силѣ и моленіе[3] совершаютъ, о всякимъ прошеніи; и молятся за царя и великаго князя[4] имярекъ и за его царицу и великую княгиню имярекъ и за ихъ благородныя чада[5] и за бояре и [36]за[6] христолюбивое воинство, иже[7] побѣду на враги, и о плѣненныхъ свободѣ, и о святителехъ, и о всемъ священническомъ и иноческомъ чину, и о всякомъ приношеніи[8] и за вся христіяны, и о домовнемъ мужѣ и женѣ, и чадѣхъ, и о домочадцѣхъ, и о всѣхъ полезныхъ имъ. Аще когда требуютъ и воду святятъ животворящимъ крестомъ и съ чюдотворныхъ образовъ и съ честныхъ мощи, и за болящаго масло свящаютъ, во здравіе и во исцѣленіе; а когда масло свящати надъ болящимъ въ дому, да призовутъ седмь священниковъ иль множае, а дьяконовъ колко лучится[9], а масло свящаютъ и всѣ дѣиствуютъ по уставу, и каженіе по всему храму отъ діакона или отъ попа; и святою водою кропленіе, и честнымъ крестомъ осѣненіе отъ болшаго попа. И вкупѣ въ дому семъ благодаряще Бога[10]. Тако же и по родителехъ преставльшихся память творити во святыхъ Божіихъ церквахъ и въ монастырѣхъ панихиды соборныя пѣти; и божественная литургія служити, и въ трапезѣ братія кормити за упокои, и за здравіе; и въ домъ свои призывати[11] и кормити и поити и милостыня творити, а вода [37]святити Генваря 6-й день и Августа 1-й день и всегда единымъ животворящимъ крестомъ, погружаетъ[12] его 3-жды въ чаши, святитель или священникъ, глаголяще тропарь: «Спаси Господи люди своя» 3-жды, а на Богоявленіи тропарь: «Во Іордани крещающутися, Господи» 3-жды, а на блюдѣ лежатъ святые кресты и иконы и чюдотворныя святыя мощи, и изъ чаши выимая крестъ надъ блюдомъ держати; и со креста вода идетъ на ту святыню; и по погруженіи креста, и по освященіи воды, помазуютъ губою, омакая въ ту святую воду честныя кресты и святыя иконы и чюдотворныя мощи, елико суть во святомъ храмѣ или въ дому, глаголюще тропари коемуждо святому, помазующе святую икону; и съ тѣхъ иконъ губу выжимати въ тужъ святую воду; и паки иныя святыни помазати такожде, и тою святою водою кропить алтарь и весь святыи храмъ, крестообразно, и въ дому такоже во всѣхъ храминахъ кропити и весь народъ[13]; и достоиніи со вѣрою помазуются, и піютъ ея, на исцѣленіе и очищеніе душамъ и тѣламъ, во оставленіе грѣховъ и въ жизнь вѣчную.

 

Примѣчанія[править]

  1. ↑ Въ Р. Т. № 38 и Конш. глава X.
  2. ↑ Ibid. и иноковъ.
  3. ↑ Конш.=молебная.
  4. ↑ Р. Т. № 38 и Конш. всея Росіи самодержца.
  5. ↑ Конш. и за братью
  6. ↑ Р. Т. № 38 все.
  7. ↑ Пог.=о еже подати.
  8. ↑ Арх. Болш. Цар. Пог.=прошеніи.
  9. ↑ Р. Т. № 38=и о здравіи надъ канономъ или за упокои надъ кутіею поютъ, по представльшихся жизни сея.
  10. ↑ Въ Р. Т. № 38 Арх. Пог. Цар. Болш. этого мѣста нѣтъ, вмѣсто него идетъ слѣдующее: по божественнѣи литоргіи, трапезу представляютъ; и ядятъ и пьютъ священническіи чинъ и мнишескіи и прочіи приходящіи, а маломожныя братія тутожъ и удоволены всячески и одарены отходятъ въ домы своя, благодаря Бога. За тѣмъ продолжается какъ въ нашемъ текстѣ.
  11. ↑ Пог. Бол. и напоити.
  12. ↑ Ibid.=погружая.
  13. ↑ Цар.=и на дворѣ всемъ.


Это произведение перешло в общественное достояние в России согласно ст. 1281 ГК РФ, и в странах, где срок охраны авторского права действует на протяжении жизни автора плюс 70 лет или менее.

Если произведение является переводом, или иным производным произведением, или создано в соавторстве, то срок действия исключительного авторского права истёк для всех авторов оригинала и перевода.

Источник — https://ru.wikisource.org/w/index.php?title=Домострой._По_рукописям_Императорской_Публичной_Библиотеки_(Яковлев_1867)/I/14/ДО&oldid=1181803