Подобаетъ дѣлати[3] и се: како чтити дѣтемъ отецъ своихъ духовныхъ. Изыскати отца духовнаго добра, и боголибова, и благородна, и разсудительна, а не потокалника, ни пьяницу; ни сребролибива, ни гнѣвнивлева; тако да убо подобаетъ чтити и повиноватися ему во всемъ; и каятися предъ нимъ со слезами; и исповѣдати грѣхи своя безстыдно и безсрамно; и заповѣди его хранити и епитемію исправляти противу грѣха. А призывати его къ себѣ въ домъ часто и къ нему приходити и извѣщатися ему всегда, во всякои совѣсти; и наказаніе его съ любовію пріимати, и послушати его во всемъ, и чтити его и бити челомъ предъ нимъ ниско; онъ учитель нашъ и наставникъ и имѣти его со страхомъ и любовію; и къ нему приходити, и приношеніе ему давати отъ своихъ плодовъ и трудовъ по силѣ; и совѣтовати съ нимъ часто о житіи полезномъ, и востязатися грѣховъ своихъ и како учити и любити мужу жену свою, и чадъ, и рабъ, а женѣ мужа своего слушати и спрашиватися по вся дни; и извѣщатися о грѣсѣхъ своихъ всегда предъ отцемъ духовнымъ и обнажити грѣхи своя вся, и покорятися предъ нимъ во всемъ; тіи бо бдятъ о душахъ нашихъ и отвѣтъ дадутъ о насъ въ день страшнаго суда; а не поносити, ни осуждати, ни укоряти и о комъ учнетъ печаловатися ино его слушати ино виноватого пожаловати по винѣ смотря съ нимъ же разсудя[4].
Примѣчанія[править]
- ↑ Въ Р. Т. № 38 глава Д, Конш. глава XIV.
- ↑ Номера примечаний на стр. 12 перепутаны. Последним приведено примечание, место которого на странице не обозначено: Пог. Цар. и утвержена въ вѣрѣ и учительна. — Примечание редактора Викитеки.
- ↑ Конш. Р. Т. № 38=вѣдати.
- ↑ Цар. простить, и долгъ ему отпустить.
