щенный же Епископъ Еуѳимей стрѣте Великого Князя во градныхъ вратехъ з живоносными кресты и со святыми иконами, и со всѣми соборными крылосы і оградивъ Великаго Князя крестомъ и окропивъ святою водою и все Хрістолюбивое войско и нача плакати с рыданиемъ сердечнымъ, и глагола ему Епископъ Еуѳимей: „Радуйся, Княже нашъ, Великиі Князь Дмитрей Ивановичь, и веселися и все Хрістолюбивое войско!“ И абие Князь Великиі от плача преста и нача утешатися и хвалити Бога и глагола к Преосвященному Епископу Еуфимию: „Азъ бо, отче, велми пред ним смирихся и собралъ есми злата и сребра, много и посла противу его нечестиваго Царя; онъ же наипаче возъярився на Хрістіанскую і на свою пагубу. Разсуже (?) диаволъ. Тако случися в Кесарѣи Великому Василию, егда первый отступникъ вѣры Христовы Ульянъ, злочестивыи Царь законопреступникъ аде ис Персъ на Великого Архиепископа Василия и хотяше разорити градъ ево: Василей же Великіи помолися Богу со всѣми Хрістіаны и собра злата и сребра много и посла противу ему. Безбожный же Царь Ульянъ наипаче возъярився, и посла на нихъ воина своево Меркурия, и ту восхотѣ в монастырѣ слушати святыя литургиі и иде в церковь, нача молитися со слезами образу Божию Нерукотворенному: „Господи Боже нашъ, творче небу, содѣтелю тварей, не забуди нищихъ своихъ до конца и не предалъ вси насъ врагомъ нашимъ в покорение, да не порадуютца врази наши о насъ!“ Изыде от церкви и рече ему Преосвященный Митрополитъ Киприянъ: „Пойди, Государь, на благословение мѣста во градъ Москву.“ И Митрополитъ поведѣ пѣти Богородичны и Мученичны. Княгиня ево Евдокѣя стрѣте Великаго Князя Дмитрея Ивановича во Ѳроловскихъ воротахъ со многими воинскими женами и с своею снохою. И видѣвъ своево Великаго Князя и нача плакати от великия радости и рече: „нынѣ тя[1], Государя Великаго Князя, славного в чело-
- ↑ вѣроятно здѣсь пропущено: вижу.
