И абіе, за помощію Божіею, сопротивъ сопостатовъ возмогоша воинство Христіанское. И противъ якихъ сопостатовъ? такъ великаго и грознаго Измаильтескаго языка, отъ негожъ нѣкогда и вселенная трепетала, и не токмо трепетала, но и спустошена была31); и не противъ единаго Царя ополчашеся, но абіе противъ трехъ великихъ и сильныхъ, сирѣчь, сопротивъ Перекопскаго Царя, и Казанскаго, и сопротивъ Княжатъ Нагайскихъ. И за благодатію и помощію Христа Бога нашего, абіе отъ того времени, всѣмъ тремъ возражаше нахожденіе, частыми преодолѣньми преодолѣваху и преславными побѣдами украшахуся, о нихъ же по ряду писати сія краткая[1] повѣсть не вмѣститъ; но вкратцѣ рещи: по толику[2] спустошенію Русскія земли, еже бѣ отъ нихъ[3], не по толику, но множайше предѣлы Христіанскіе разширишася за малыя лѣта; идѣ же были прежде, въ спустошенныхъ краехъ Русскихъ, зимовища Татарскія, тамо грады и мѣста сооружишася; и не токмо кони[4] Русскихъ сыновъ во Азіи съ текущихъ рѣкъ напишася, съ Танаиса и Куалы и прочихъ32); но и грады тамо поставишася.
Видѣвъ же таковыя неизреченныя Божія щедроты, такъ вскорѣ бываемыя, и самъ Царь, возревновавъ ревностію, началъ противъ враговъ самъ ополчатися, своею главою, и собирати себѣ воинство множайшее и храбрѣйшее, и не похотяше покою наслаждатися, въ прекрасныхъ палатахъ затворясь, пребывати, (яко есть нынѣшнимъ западнымъ[5] Царемъ обычай: всѣ цѣлыя нощи истребляти, надъ карты сѣдяще и надъ прочими бѣсовскими бреднями[6]. Но подвигся многажды самъ, не щадячи[7] здравія своего, на сопротивнаго и горшаго своего супостата, Царя Казанскаго;[8] единаго въ лютую зиму, аще и 1550.не взялъ мѣста отъ него главнаго, сирѣчь Казани града, и со тщетою немалою отойде33); но всяко не сокрушилось ему сердце и воинство его храброе, укрѣпляющу Богу оными совѣтники его. И разсмотривъ тамо положенія мѣста[9], и аки по лѣтѣ единомъ или дву, градъ тамо превеликій, зѣло прекрасенъ, абіе ставити повелѣлъ, нарѣцѣ Свіягѣ, отъ Волги за четверть мили, а отъ великаго Казанскаго мѣста[10] аки миль пять: такъ близу приближился[11]. И тогожъ лѣта1552. выправя дѣла[12] великія стѣнобитныя рѣкою Волгою, а самъ сухимъ путемъ хотяше абіе пойти.
И пріиде ему вѣсть, иже[13] Царь Перекопскій съ великими силами на него идетъ, возбраняюще хожденіе ему на Казань; онъ же, аще и войско великое прежде, града поставленія ради, послалъ, такожъ и при дѣлахъ[14] множество воиновъ; но обаче, того ради, на Казань хожденіе на мало время отложилъ. И еще, аки бы съ большею частью войска, иде сопротивъ предреченнаго онаго врага Христова, и самъ сталъ на Окѣ рѣкѣ, ожидающе его ко сраженію брани, во единомъ мѣстѣ[15]; а другіе войска разложилъ[16] по другимъ градамъ, яже лежатъ[17] при той же рѣцѣ, и вывѣдывати велѣлъ о немъ: бо[18] не вѣдомо еще было, на которое мѣсто итти мѣлъ[19]. Онъ же егда услышалъ, иже Великій Князь стоитъ съ войскомъ противъ его, готовъ надъ надежду его[20] (бо не заисте сповѣдался, иже уже на Казань пошелъ[21]; тогда возвратился и облегъ22 Іюня 1552. мѣсто великое, мурованное, Тулу[22], аки во штинадесяти миляхъ отъ мѣста Коломны, идѣже Царь Христіанскій лежалъ съ войскомъ, ждуще его; а насъ35) тогда послалъ со другими о немъ вывѣдыватися, и земли отъ взгоновъ боронити; и было съ нами[23] тогда войска аки пятьнадесять тысящей. Мыжъ, преправясь[24] чрезъ великую Оку рѣку со многимъ потщаніемъ, того дня зѣло скоро устремишася, и пріѣхаша аки тринадесятъ миль, и положишася[25] къ нощи, на единомъ потоцѣ, близу стражи Царя Перекопскаго, отъ града же Тулы за полдвѣ мили[26], подъ нимъ же самъ Царь стояше. Стража Татарская утече ко Царю, и повѣда ему о множествѣ войска Христіанскаго, и мняше, иже самъ Князь Великій пріиде со всѣмъ своимъ войскомъ[27]; и тое нощи Царь Татарскій отъ града утече, аки миль осьмь, въ поле дикое[28], за три рѣки препроводившися, и дѣла[29] нѣкоторыя и кули[30] потопилъ, и пороховъ и верблюдовъ отбѣже[31], и войско въ войнѣ[32] оставилъ: бо[33] три дни хотяще воевати, а дважъ дни точію подъ градомъ стоялъ, а противъ третьяго дни побѣжалъ.
Наутрожъ, мы, воставши рано, поидохомъ ко граду и положихомся съ войскомъ, идѣже шатры его стояли. Войскажъ Татарскаго аки третина, або[34] вяще, остала была въ загонѣхъ, и шли ко граду, надѣящеся Царя ихъ стояща. Егдажъ разсмотриша и увѣдаша о насъ, 24 Іюня 1552.ополчишася противу насъ. Мыжъ абіе сразившеся съ ними, и пребывала битва аки на полдвѣ годины[35]; потомъ помогъ Богъ намъ, Христіаномъ, надъ Бусурманы, и толико избиша ихъ, яко зѣло мало осталося ихъ, и едва вѣсть въ Орду возвратилась. На той то битвѣ, и самъ азъ тяжкія раны на тѣлеси отнесохъ[36], яко на главѣ, такъ и на другихъ составѣхъ.
Егдажъ возвратихомся ко Цареви нашему, со пресвѣтлымъ одолѣніемъ, онъ же тогда повелѣлъ опочивати оному утружденному войску аки восемь дней. И по осьми дняхъ, самъ поиде съ воинствомъ къ Казани, на мѣсто великое[37], глаголемое Муромъ, еже лежитъ отъ поля уже крайнее[38] къ Казанскимъ предѣломъ, и оттуду, чрезъ поле дикое, аки мѣсяцъ шелъ ко оному предреченному новому граду, поставленному на Свіагѣ, идѣже воинство его ждало съ великими дѣлы[39] и со многими запасы, яже приплыша Волгою, рѣкою великою. А насъ тогда послалъ, со тремянадесять тысящей люду,[40] чрезъ Рязанскую землю и потомъ чрезъ Мещерскую, идѣже есть Мордовскій языкъ. Потомъ препроводясь, аки за три дни, Мордовскіе лѣсы, изыдохомъ[41] на великое дикое поле и идохомъ отъ него по правой руцѣ, аки въ пяти дняхъ конемъ ѣзду:[42] понеже мы заслониша его[43] тѣмъ войскомъ, еже съ нами шло, отъ Заволжскихъ Татаръ (бояшебося[44] онъ, да не пріидутъ на него безвѣстно тѣ Княжата Нагайскія); и аки бы по пяти недѣляхъ, со гладомъ и съ нуждого многою, дойдохомъ Суры рѣки великія, на устья Борыша[45] рѣчки, идѣже и онъ въ томъ же дни съ войски великими пріиде: и того дни хлѣба сухаго наядохомся со многою сладостію и благодареніемъ, ово зѣло дорогаго[46] купующе, ово позычающе[47] отъ сродныхъ, и пріятель и друговъ: бо[48] намъ его было не стало аки бы на 9 дней, и Господь Богъ препиталъ насъ и войско, ово рыбами, ово иными звѣрьми: бо въ пустыхъ тѣхъ поляхъ зѣло много въ рѣкахъ рыбъ.
Егдажъ преплавишася[49] Суру рѣку, тогда и Черемиса[50] Горняя, а по ихъ, Чуваша зовомые, языкъ особливый[51], начаша встрѣчати по пяти сотъ и по тысящѣ ихъ, аки бы радующеся Цареву пришествію: понеже въ ихъ землѣ поставленъ оный предреченный градъ на Свіягѣ. И отъ тое рѣки шли есмя съ войскомъ 8 дней, полями дикими и дубровами, нѣгдѣ же и лѣсами; а селъ со живущими зѣло мало: понеже у нихъ села при великихъ крѣпостяхъ ставлены и незримы, аще и по близку ходящимъ; и ту уже намъ привожено и, по странамъ ѣздя, добывано купити хлѣба и скотовъ; аще и зѣло дорого плачено, но намъ было, яко изнемоглымъ отъ гладу, благодарно; а малвазіи[52] и любимыхъ трунковъ з’марцыпаны[53], тамо не воспоминай! Черемисскій же хлѣбъ сладостнѣйшій, пане драгоцѣнныхъ колаxей,[54] обрѣтеся; и наипачежъ сего ради, иже подвизахомся за отечество правовѣрнаго Христіанства, сопротивъ враговъ креста Христова, паче же вкупѣ со Царемъ своимъ: сіе было благодарнѣйши и радостнѣйши, и не чулось[55] ни единыя нужды, другъ предъ другомъ къ добрымъ подвигамъ ретящеся; наипачежъ самъ Господь Богъ помогалъ намъ.
Егдажъ пріидохомъ близу новопоставленнаго града,25 Августа 1552.[56] воистинну зѣло прекраснаго; тогда выѣхаша во срѣтеніе Царя Гетмани оніи, яко градскіе, такъ которые и съ дѣлы[57] пріидоша, съ немалыми вои, по чину благочиннѣ устроенни полки имуще; съ нимижъ коннаго войска, тысящь аки пятьнадесять, изыдоша во срѣтеніе, такожъ и пѣшихъ множество много; къ тому и гуфовъ[58] оныхъ варварскихъ, новопокорившихся Царю, немало, аки четыре тысячи: ихъ же обитанія и села близу града онаго быша, яже, хотяще и не хотяще, покоришася. И бысть тамъ радость не мала о здравію пришествія Царева со множествы воевъ, такожъ и о побѣдѣ прежъ реченной, яже на Крымскаго пса одержахомъ (бо[59] зѣло трепетахомъ о прихожденіи и помощи его Казани), и о поставленіи града онаго превеликаго. И такъ къ тому пріѣхали есмы, воистинну, яко въ свой домъ, отъ того долгаго[60] и зѣло нужнаго[61] пути: понеже привезено намъ множество, отъ домовъ нашихъ Волгою, мало не каждому, въ великихъ галіяхъ[62] запасу; такожъ и купцовъ безчисленное множество, съ различными живностьми и со многими товары, приплыша, идѣже бяше всего достатокъ[63], чего бы душа восхотѣла, (точію нечистоты тамо купить не обрящешь). И опочинувъ тамо войско аки три дни,Августъ, 1552. начаша великую рѣку Волгу превозитися, и превезошася все войско аки за два дни.
И на третій день двигнушася въ путь, и прейдохомъ четыре мили, аки за 3 дни[64]: бо тамо не мало рѣкъ, яже впадаютъ въ Волгу; препровожашася чрезъ мосты и гати (которые были предъ нами, показили[65] Казанцы). И на четвертый день изыдохомъ сопротивъ града Казанскаго,10 Авг. 1552. на великіе, и пространные, и гладкіе, зѣло веселые луга, и положишася все войско подлѣ рѣки Волги, а луговъ оныхъ до мѣста[66] аки миля зѣло велика: бо стоитъ оный градъ[67] и мѣсто не на Волгѣ, но рѣка подъ нимъ, Казань реченная, отъ нея жъ и нареченъ[68]. И положеніе его на великой горѣ, а наипаче отъ приходу Волги сице[69] зрится: а отъ Нагайскія страны, отъ Камы рѣки, отъ реченнаго Арскаго поля, равно пріити къ нему. Спочинувши же аки день единъ, паки дѣла нѣкоторыя съ кораблей выложены[70], яже предъ полки хождаша. На другой же день рано, по Божіихъ литургіяхъ, воздвижеся войско оть становъ,[71] со Царемъ своимъ, и развивши хоругви[72] Христіанскія, со многимъ благочиніемъ и устроеніемъ полковъ, поидоша ко граду супостатовъ. Градъ же видѣхомъ, аки пустъ стоящь, иже а ни человѣкъ, а ни гласъ человѣчь ни единъ отнюдь слышашеся въ немъ, яко многимъ неискуснымъ радоватися о семъ и глаголати, яко избѣгоша Царъ и все воинство въ лѣсы,[73] отъ страха великаго войска.
Егдажъ пріидохомъ близу мѣста Казанскаго,[74] еже въ великой крѣпости лежитъ[75]:24 Авг. 1552. съ востоку отъ него идетъ Казань рѣка, а съ западу Булакъ рѣчка, зѣло тиновата и непроходима, подъ самое мѣсто течетъ и впадаетъ подъ угольную вежу[76] въ Казань рѣку; а течетъ изъ озера, Кабана глагоголемаго, не малаго, которое озеро кончится аки полверсты отъ мѣста; и якъ[77] преправитися тую нужную рѣчку, тогда[78] между езеромъ и мѣстомъ, лежитъ съ Арскаго поля гора зѣло прикрыя[79] и ко восхожденію нужная. А отъ тое рѣки, около (мѣста, ровъ копанъ, зѣло глубокій, ажъ до езерка, реченнаго Поганаго, еже лежитъ подлѣ самую Казань рѣку; а отъ Казани рѣки гора такъ высока, иже[80] окомъ воззрити прикро[81]: на ней же градъ стоитъ и палаты Царскія и мечети,[82] зѣло высокія, мурованныя,[83] идѣже ихъ умершіе Царіе кладись; числомъ, памятамися,[84] пять ихъ36).
Егда же начаша обступати мѣсто оное Бусурманское,25 Авг. 1552.[85] и войско Христіанское повелѣнно[86] итти трема полкомъ, чрезъ предреченную рѣчку Булакъ, егдажъ первѣе препроводился, направя мостки, чрезъ нее передній[87] полкъ, а тамо обыкли его звати Яртаулъ, въ немъ же бѣ войска избраннаго, аки седмь тысящь, а надъ ними Стратилаты два, Княжато Пронскій Юрій и Княжато Ѳеодоръ Львовъ, съ роду Княжатъ Ярославскихъ, юноши зѣло храбрые37); и пріиде имъ итти съ нуждою прямо на оную гору, на Арское поле, между мѣста и Кабана, предреченнаго озера, отъ вратъ градскихъ[88] аки два стрѣлянія[89] лучныхъ; другій же великій полкъ начаша только препровожатися чрезъ оную рѣку по мостомъ: Царь же Казанскій выпустилъ войска коннаго[90] изъ мѣста[91], аки пять тысящь, а пѣшихъ отъ десяти тысящь, на первый предреченный полкъ: конные Татаровя съ копьи, а пѣшіе со стрѣлами. И абіе ударища[92] посреди полка Христіанскаго, аки въ полгоры оныя, и прерваша его, дондеже поправишася оные Стратилатове: бо уже аки со двѣма тысящами и вяще взошли было на оную гору. И сразишася съ ними крѣпцѣ, и бысть сѣча не мала между ими. Потомъ поспѣшишася другіе Стратилати съ пѣшими нашими ручничными[93] стрѣльцы и сопроша Бусурмановъ, яко конныхъ, такъ и пѣшихъ, и гониша ихъ біюще, ажъ[94] до самыхъ вратъ градскихъ, и околько десять и живыхъ[95] поймаша. Въ той же часъ, вкупѣ[96] во сраженіе оное, и стрѣльбу огненную со града изъявиша, яко со вежъ[97] высокихъ, такъ и съ стѣны мѣскія,[98] на войско Христіанское стрѣляюще: но ничтожъ, за Божіею благодатію, тщеты[99] сотвориша.
И абіе въ той день обступихомъ мѣсто и градъ Бусурманскій полки Христіанскими, и отняхомъ ото всѣхъ странъ пути и проѣзды ко граду: не возмогли они никакоже ни изъ града, ни во градъ преходити. Таже[100] Стратилатове (а по ихъ Воеводы полковъ), Передовый полкъ, который ходитъ у нихъ за Яртауломъ, пріиде на Арское поле, и еще другій полкъ, въ немъ же бѣ Царь Шигалей,[101] и другіе великіе Стратилатове залегоша тамо пути, яже отъ Нагайскія страны ко граду лежатъ38).
Мнѣ же тогда, со другимъ моимъ товарищемъ,39) правый Рогъ,[102] а по ихъ, правая Рука, поручена была устрояти, аще ми и во млодыхъ лѣтѣхъ сущу: бо еще мнѣ тогда было лѣтъ аки двадесять и четыре отъ рожденія; но всяко, за благодатію Христа моего, пріидохъ къ тому[103] достоинству не туне, но по степенямъ[104] военнымъ взыдохъ. И было въ нашемъ полку вяще, нежели дванадесять тысящей, и пѣшихъ стрѣльцовъ и казаковъ[105] аки шесть тысящей.2[?] Авг.[106] И повелѣно намъ итти за Казань рѣку; и прострошась[107] войско полка нашего ажъ до Казани рѣки, яже выше града, а другій конецъ до мосту, яже по Галицкой дорогѣ, и до тоя же рѣки, яже ниже града; и залегохомъ пути ото всея Луговыя[108] Черемисы, яже ко граду[109] лежатъ. И случилось намъ стояти на мѣстѣ въ равнинѣ, на лугу, между великими блаты; граду же съ нашей стороны на превеликой горѣ стоящу, и сего ради зѣло намъ, паче всѣхъ, нужно было отъ огненныя стрѣльбы со града, а сзади,[110] съ лѣсовъ, отъ частаго наѣзжанія Черемисскаго. Другіе же полки сташа между Булакомъ и Казанью, объ сю страну отъ Волги. Самъ же Царь съ вольнымъ гуфомъ,[111] або со множествомъ воевъ, сталъ отъ Казани, аки за версту, або мало больше отъ града, съ приходу своего отъ Волги, на мѣстѣ на погористомъ. И сицевымъ чиномъ мѣсто и градъ Бусурманскій облегоша. Царь же Казанскій затворися во градѣ, со тремядесять тысящей избранныхъ своихъ воиновъ и со всѣми Карачи духовными ихъ и мірскими и з’ дворомъ своимъ; а другую половину войска оставилъ внѣ града на лѣсѣхъ;[112] такожъ и тѣ людіе, яже Нагайскій Улубій[113] прислалъ на помощь ему, а было ихъ аки двутысящи и колько[114] сотъ. И по трехъ дняхъ, начаша близу мѣста шанцы[115] ставити; того Бусурманы зѣло возбраняша, ово біюще со града, ово вытекающе,[116] вручь сѣкошася, и падаху со обѣихъ странъ множество люду, но обаче вяще Бусурмановъ, нежели Христіанъ;[117] и сего ради знакъ Божія милосердія являшеся Христіаномъ, и духъ храбрости нашимъ прискоряшеся.[118]
Егда же добрѣ и крѣпцѣ заточиша[119] шанцы, и стрѣльцы со Стратилати ихъ закопашася[120] въ землю, аки уже безстрашны отъ стрѣльбы мѣскія[121] и отъ вытечекъ[122] мнящеся; тогда привлекоша великія дѣла,[123] и среднія и огненныя, близу града и мѣста, ими же вверхъ стрѣляютъ; а памятамися, всѣхъ было аки полтораста и великихъ и среднихъ, за всѣми шанцами, ото всѣхъ странъ града и мѣста, поставлено; а и мнѣйшее было по полторы сажени; окромѣ того были польныя[124] многія, около Царскихъ шатровъ40). Егда же начаша бити со всѣхъ странъ по стѣнамъ града, — и уже очистиша стрѣльбу великую на градѣ, сирѣчь, не даша имъ стрѣляти съ великихъ дѣлъ[125] на войско Христіанское, точію гаковничныя и ручничныя не могоша отняти, ими же[126] много тщеты дѣлали войску Христіанскому въ людѣхъ и въ конехъ.
И еще къ тому тогда хитрость[127] изобрѣте Царь Казанскій противъ насъ: яковую же? молю, повѣждь ми. Исте таковую… но слухай прилежнѣ, раздроченный воине![128] Ибо уложилъ онъ таковой совѣтъ со своими, съ тѣмъ войскомъ, ихъ же оставилъ внѣ града, на лѣсѣхъ, и положилъ съ ними таковое знаменіе, (а по ихъ языку, ясакъ): егда изнесутъ на высокую вежу, або иногда на градъ, на высочайшее мѣсто, хоруговь[129] ихъ, зѣло великую Бусурманскую, и начнутъ ею махать; тогда, глаголю, (понеже далося намъ знати), ударятъ со всѣхъ странъ съ лѣсовъ, зѣло грозно и прутко,[130] во устроенію полковъ, Бусурманы на полки Христіанскіе; а отъ града во всѣ врата вытекали въ тотъ же часъ на наши шанцы, и такъ зѣло жестоцѣ и храбрѣ натекали[131], яко и вѣрѣ не подобно; и единаго изыдоша сами Карачи з’ дворомъ Царевымъ, а съ ними аки десять тысящь войска, на тѣ шанцы, идѣже быша дѣда[132] великія заточены[133], и такъ сотвориша сѣчу злую и жестокую Бусурманы на Христіанъ. Уже всѣхъ нашихъ далеко отъ дѣлъ[134] отогнали были; и за помощію Божіею, приспѣша Шляхта Муромскаго повѣту: бо нѣгдѣ ту[135] близъ станы ихъ были, и межи[136] Русскими, та Шляхта зѣло храбрые и мужественные мужіе сущи, стародавные въ родѣхъ Русскихъ. Тогда абіе взопроша Карачей со всѣми силами ихъ, ажъ принудишася отъ нихъ подати тылъ; а они ажъ до вратъ мѣскихъ[137] сѣкоша, біюще ихъ, и не такъ множество посѣкоша, яко во вратѣхъ подавишася, тѣсноты ради; множество же и живыхъ поимаша. Въ той же часъ и на другіе врата[138] вытекаша, но не такъ крѣпцѣ бишася.
И воистинну на всякій день, аки три недѣди тое бѣды было, яко и брашна намъ онаго зѣло нужнаго не дали пріимати[139] многажды; но сице намъ Богъ помогалъ, ово храбрѣ, за помощію Божіею, сражахуся съ ними, пѣшіе съ пѣшими, отъ града изходящими, конники[140] же съ конники, съ лѣса наѣзжающими; а къ тому и дѣла[141] великія, яже сутъ съ желѣзными кулями[142], обращающе отъ града, стрѣляюще на тѣ полки Бусурманскіе, яже отовнѣ града съ лѣсовь наѣзжали. А горче всѣхъ было, отъ ихъ наѣзжанія, тѣмъ Христіанскимъ полкомъ, яже стояли на Арскомъ полѣ, яко и намъ, з’ Галицкія дороги, яже суть отъ Луговыя Черемисы; а которое стояло войско наше подъ градомъ, за Булакомъ, на которой странѣ и Царь нашъ стоялъ отъ Волги, тѣ ото внѣшняго[143] нахожденія Бусурманскаго въ покою пребывали; точію изъ града частыя вытечки[144] имѣли, яко же ближайшіе стояли, подъ стѣнами града при дѣлѣхъ[145]. А кто[146] бы повѣдалъ, яковую намъ тщету въ людѣхъ и въ конехъ дѣлали: (которые слуги наши добывали травы, ѣздяще на кони нашихъ, а ни ротмистры, стрегуще съ полки своими, не могуще вездѣ оброняти ихъ, злохитроства ради Бусурманскаго и наглаго, незапнаго, пруткаго[147] ихъ наѣзжанія): воистинну и пишучи, не исписалъ бы поряду, колько бито ихъ и поранено.
Видѣвъ же Царь Казанскій, яко уже изнемогло было зѣло войско Христіанское, наипаче тое[148], еже близу стѣнъ мѣскихъ,[149] пришанцовався, лежало, ово отъ частыхъ вытечекъ[150] и наѣзжанія ихъ съ лѣсовъ, ово отъ скудости пищи: бо зѣло уже драго куповано всякія брашна; войску, за неиспокоемъ[151], яко рѣхомъ, не дано и сухаго хлѣба наястися; а къ тому[152] мало не всѣ нощи пребывахъ безъ сна, храняще дѣлъ[153], пачежъ живота и чести своей; - егда жъ, яко рѣхъ, уразумѣлъ сіе яко Царь ихъ, такъ и внѣ града Бусурманскіе Воеводове утруженіе войска нашего: тогда тѣмъ сильнѣе и частѣйше отовнѣ наѣзжали и изъ града исходили. Царь же нашъ со всѣми Сигклиты и Стратилаты вниде въ совѣтъ о семъ, и совѣтъ въ конецъ добръ, благодати ради Божія, произведе: раздѣлити повелѣлъ войско все на двое; аки половину его подъ градомъ при дѣлахъ оставя, части же не малой здравія своего стрещи повелѣлъ, при шатрѣхъ своихъ; а тридесять тысящей конниковъ, устроя и раздѣливъ на полки по чину рыцарскому, и поставя надъ каждымъ полкомъ по два, нѣгдѣ и по три Стратилатовъ, храбрыхъ, въ богатырскихъ вещахъ свидѣтельствованныхъ, такожъ и пѣшихъ, аки пятьнадесять тысящей, изведе[154] стрѣльцовъ и казаковъ, и тако же раздѣлиша на гуфы[155] по устроеніямь стратилатскимъ. Поставя надо всѣми ими Гетмана[156] великаго, Княжа Суздальскаго, Александра, нареченнаго Горбатаго, мужа зѣло разумнаго и статечнаго[157] и въ военныхъ вещахъ свидѣтельствованнаго41), повелѣлъ ждати, закрывъ все войско Христіанское за горами; егдажъ изыдутъ Бусурманы съ лѣсовъ, по обычаю своему, тогда повелѣно сразитися съ ними.
Во утріе же, аки на третьей годинѣ дня, изыдоша на великое поле, глаголемое Арское, отъ лѣсовъ полки Бусурманскіе, и первѣе удариша на ротмистровъ, яже на стражехъ въ полцѣхъ стояша, коимъ было заповѣдано уступити имъ, уклоняющеся ажъ до шанцовъ; они же уповающе, аки боящеся, Христіане побѣгоша, гнаша за ними. Егда же втиснуша ихъ[158] уже въ обозъ, тогда начаша подъ шанцами круги водити и гарцовати, стрѣляюще изъ луковъ, по подобію частости дождя; овы же, во устроенію мноземъ, по малу полки грядуще, конные и пѣшіе, аки уже Христіанъ пожрети хотяще. Тогда убо, тогда, глаголю, изыдоша абіе Гетманъ съ войскомъ Христіанскимъ, тако же во устроенію мноземъ, и приближишася со тщаніемъ ко сраженію. Видѣвше же Бусурманы, и рады бы назадъ къ лѣсу, но не возмогоша: уже бо далеко отъѣхали отъ него на поле; но обаче, хотяще и нехотяще, дали битву и крѣпцѣ сразишася съ первыми полки. Егда же надспѣлъ[159] великій полкъ, въ немъ же самъ бяше Гетманъ, такоже и пѣшіе полки приближишася, обходяще ихъ, наипаче отъ лѣсу; тогда абіе въ бѣгство обратишася всѣ полки ихъ; Христіанское же воинство гониша за ними, біюще ихъ, и яко на полдвѣ[160] мили трупія Бусурманскаго множество лежаше, и къ тому аки тысячу живыхъ поимаша. Тогда, за помощію Божіею, таковую пресвѣтлую побѣду Христіане надъ Бусурманы одержаша.
Егда же приведоша живыхъ вязней[161] оныхъ ко Царю нашему, тогда повелѣлъ, предъ шанцы выведши, привязати ихъ къ колью, да во градѣ сущихъ своихъ молятъ и напоминаютъ: да поддадутъ Казанское мѣсто[162] Цареви Христіанскому; тако же и наши ѣздяще, напоминали ихъ, обѣщавающе имъ животъ и свободу, яко тѣмъ вязнемъ[163], такъ и сущимъ во градѣ, отъ Царя нашего; они же, сихъ словесъ выслухавъ тихо, абіе начаша стрѣляти съ стѣнъ града, не такъ по нашихъ, яко по своихъ, глаголюще: „Лучше, рече, увидимъ васъ мертвыхъ отъ рукъ нашихъ Бусурманскихъ, нежели бы посѣкли васъ гауры[164] необрѣзанные!“ и иныя словеса отрыгающе хульныя, съ яростію многою, яко и всѣмъ намъ дивитися зряще.
И по семъ, аки по трехъ днехъ, повелѣлъ Царь нашъ итти тому Княжати, Александру Суздальскому, съ тѣмъ же войскомъ на засѣку, яже[165] были Бусурманы сооружили стѣну, между великими блаты, на горѣ единой, аки двѣ мили отъ мѣста[166], идѣже паки, по разбѣжанію ономъ, собрашася множество ихъ, и умыслиша оттуду, аки изъ града единаго выѣзжаючи, паки ударяти на войско Христіанское. И къ тому еще, ко оному предреченному Гетману придано другаго Гетмана, а по ихъ, Великаго Воеводу, съ полки его, именемъ Князя Семена Микулинскаго, съ роду Великихъ Княжатъ Тверскихъ, мужа зѣло храбраго и въ богатырскихь вещахъ искуснаго42); и дано имъ повелѣніе таково: аще бы имъ Богъ помогъ оную стѣну проломити, да идуть всѣмъ войскомъ ажъ до Арскаго города43), который лежитъ отъ Казани дванадесять миль великихъ. Егда же[167] пріидоша ко оной стѣнѣ, опрошася[168] Бусурманы и начаша бронитися[169] крѣпцѣ, аки на двѣ годины[170] біющеся; потомъ, за Божіего помощію, одолѣша ихъ наши, яко огненною стрѣльбою, такъ ручною, и побѣгоша Бусурманы; нашижъ гонили ихъ. Егда же препроводишеся все войско великое за оную стѣну, и оттуду Цареви нашему съ сеунчемъ[171] послали; а тамо наше воинство объ нощь пребывало и обрѣтоша въ шатрѣхъ Бусурманскихъ не мало корысти; и пріидоша, аки за два дни, до онаго предреченнаго града Арскаго и обрѣтоша его пустъ покиненъ[172]: отъ страха бо избѣжаша изъ него всѣ, страха ради, въ далечайшіе лѣсы. И плѣниша тамо въ землѣ оной аки десять дней: понеже въ землѣ той поля великія, и зѣло преизобильныя и гобзующія[173] на всякіе плоды; тако же и дворы Княжатъ ихъ и Вельможей зѣло прекрасны и воистинну удивленія достойни, и села[174] часты. Хлѣбовъ же всякихъ такое тамъ множество, воистинну вѣрѣ ко исповѣданію неподобно: аки бы на подобіе множества звѣздъ небесныхъ; такоже и скотовъ различныхъ стадъ безчисленныя множества, и корыстей драгоцѣнныхъ, наипаче отъ различныхъ звѣрей, въ той землѣ бывающихъ: бо тамо родятся куны дорогія, и бѣлки и прочіе звѣріе ко одеждамъ и ко яденію потребные; а мало за тѣмъ далѣй соболей множество, такожде и медовъ: невѣмъ гдѣ бы подъ солнцемъ больше было. И по десяти дняхъ, со безчисленными корыстьми и со множествомъ плѣну Бусурманскихъ женъ и дѣтей, возвратишася къ намъ здраво, такоже и своихъ древле заведенныхъ многихъ отъ Бусурманъ свободиша, отъ многолѣтныя работы. И бысть тогда въ воинствѣ Христіанскомъ велія радость и благодареніе къ Богу воспѣваны, и такъ было таней[175] въ войску нашемъ всякія живности, ижъ краву куповано[176] за десять денегъ Московскихъ, а вола великаго за десять аспръ44).
Скоро по возвращенію онаго войска потомъ, аки по четырехъ дняхъ, собралося Черемисы Луговыя не мало, и ударили на наши станы[177] задніе, съ Галицкія дороги, и не мало стадъ коней нашихъ отгромили; мы же абіе послали въ погоню за ними трехъ ротмистровъ, и за ними[178] другіе посылочные полки во устроенію, засады ради; и угонено ихъ въ трехъ, або[179] въ четырехъ миляхъ, и овыхъ избиша, другихъ живыхъ поимаша.
А если бы писалъ по ряду, яко тамо подъ градомъ, на каждый день, дѣялось, тогобъ цѣлая книга была; но вкратцѣ еще воспомянути достоитъ, яко они на войско Христіанское чары творили и великую плювію[180] наводили: яко скоро по облежанію града, егда солнце начнетъ восходити, взыдутъ на градъ, всѣмъ намъ зрящимъ, ово престарѣвшіе[181] ихъ мужи, ово бабы, и начнутъ вопіяти сатанинскія словеса, машуще одеждами своими на войско наше и вертящеся неблагочиннѣ. Тогда абіе востанетъ вѣтръ[182] и сочинятся облаки, аще бы и день ясенъ зѣло начинался, и будетъ такій дождь, и сухія мѣста въ блато[183] обратятся и мокроты исполнятся; и сіе точію было надъ войскомъ, а по сторонамъ нѣсть, но точію[184] по естеству аера[185] случашеся45). Видѣвше же сіе, абіе совѣтоваша Цареви послати по древо спасенное до Москвы, еже во крестъ вдѣлано, который всегда при Царскомъ вѣнцѣ лежитъ[186]. И сбѣгано, за Божіею помощію, зѣло скоро, водою до Новаграда Нижняго, аки въ три, або четыре дни, Вятскими, зѣло скоро плавающими[187] кораблецы, а отъ Новаграда до Москвы пруткошественными подводами. Егда же привезенъ честный крестъ, въ немъ же частка[188] вдѣлана спасеннаго древа, на немъ же Господь нашъ Іисусъ Христосъ плотію страдалъ за человѣки; тогда Презвитеры соборнѣ, со церемоніями[189] Христіанскими, обхожденія творяху, и по обычаю церковному освятиша имъ воды, и силою Животворящаго Креста абіе отъ того часа изчезоша и безъ вѣсти быша чары оные поганскіе.
И въ то же время у нихъ подкопомъ воду отнято, за двѣ, або за три недѣли до взятья46): бо ся тамо подъ вежу великую и подъ тайники подкопано, откуды они на весь градъ воду брали, и пороховъ подставлено, аки двадесять бочекъ великихъ: башню и вырвало.[190] И къ тому у насъ вежу надъ обычай великую и высокую за двѣ недѣли урублено[191] потаенно, за полмили отъ града, и единыя нощи близу рва мѣскаго[192] поставлено и на нее взношено стрѣльбы десять дѣлъ[193] и пять-десятъ гаковницъ; и зѣло великую шкоду[194] въ мѣстѣ и во градѣ на всякій день чинено съ нея: бо до взятья градскаго, побито люду Бусурманскаго военнаго, кромѣ женъ и дѣтей, близу десяти тысящей со всѣхъ странъ, изъ дѣлъ и на вытечкахъ[195] ихъ, изъ тое то вежи. А яко ее ставлено, и яковымъ обычаемъ иныя различныя стѣнобитныя хитрости творено, сіе оставляю, краткости ради Исторіи: бо широцѣ въ лѣтописной Русской[196] книзѣ о томъ писано47). Только о взятіи града мало воспомянемъ, елико можемъ вспамятати, вкратцѣ опишемъ. Понеже не токмо Богъ разумъ и даръ духа храбрости тогда подавалъ, но явленія нѣкоторыя достойнымъ и чистыя совѣсти мужемъ, въ нощныхъ видѣніяхъ, изъявилъ о взятіи града Бусурманскаго, къ сему[197] подвижуще воинство, яко мню, отомщающе безчисленное и многолѣтное разліяніе крови Христіанскія, а оставшихся еще тамо живыхъ избавляюще отъ многолѣтныя работы48).
Егда же, по скончанію седми недѣль49)1 Октября. отъ облежанія града, заповѣдано намъ еще во дни, утренней зари ждати до востока солнца, и повелѣно готовитися со всѣхъ странъ ко штурму,[198] и дано таково знаменіе: егда взорвутъ стѣну порохи, иже въ подкопѣ; бо было въ другій разъ подкопано и засажено 48 бочекъ пороху подъ стѣною мѣскою;[199] и большую[200] половину войска пѣшаго ко штурму послано, акижъ третина войска всего, або мало больше, на полю осташася, паче же стрегуще здравія Царева. Мы же, по повелѣнному, рано къ сему уготовашася, аки за двѣ годины[201] еще до зари: бо азъ тогда посланъ быхъ къ нижайшимъ вратомъ, съ верьху Казани рѣки, приступати, а со мною было дванадесятъ тысящей войска. Ото всѣхъ же четырехъ странъ тако же устроено пресильныхъ и храбрыхъ мужей, нѣкоторыхъ и съ большими посты[202]. Царь же сіе Казанскій и Сенаты[203] его увѣдали о семъ, и такъ же на насъ уготовались, яко же и мы на нихъ.
Предъ самымъ же солнечнымъ восходомъ, або мало что уже нача солнцу являтися, взорвало подкопъ: войско же Христіанское абіе ударило со всѣхъ странъ на мѣсто и градъ, по повелѣнію Цареву. Да свидѣтельствуетъ каждый о себѣ; азъ же что предъ очима тогда имѣхъ и дѣлахъ, повѣмъ истину вкратцѣ. Разрядихъ войско мое дванадесять тысящей подъ устроеніямъ Стратилатовъ, потекохомъ[204] ко градскиыъ стѣнамъ и къ той великой башнѣ, яже предъ враты стояла на горѣ. Егда же еще быхомъ подалече отъ стѣнъ, ни изъ единыя ручницы, або стрѣлою, на насъ стрѣляно; егда уже близу быхомъ, тогда первѣе много огненный бой на насъ пущенъ съ стѣнъ и съ башень; тогда стрѣлъ густость такая, яко частость дождя; тогда каменія множество[205] безчисленное, яко и воздуха не видѣти! Егдажъ близу стѣны подбихомся съ великою нуждою и бѣдою, тогда вары кипящими начаша на насъ лити и цѣлыми бревны метати… Всякожъ Божія помощь помогаше намъ тѣмъ, еже храбрость и крѣпость и запамятованіе[206] смерти дароваше, и воистинну съ поощреніемъ сердца и съ радостію бишася съ Бусурманы за православное Христіанство; и аки бы за полгодины отбиша ихь отъ оконъ стрѣлами и ручницами. А къ тому и дѣла изъ за шанцовъ[207] нашихъ помогаша намъ, стрѣляюще на нихъ: бо они явственно уже стояша на башнѣ оной великой и на стѣнахъ града, не хранящеся, яко прежде, но крѣпцѣ съ нами, и обличнѣ и вручь[208] біющесь. И абіе могли бы ихъ избити; но много насъ ко штурму поидоша,[209] а мало подъ стѣны градныя пріидоша: нѣкоторые возвращающесь, множество лежаще и творящеся побиты и ранены.
За тѣмъ Богъ поможе намъ! Первый братъ мой родный50) на стѣну града взыде по лѣствицѣ, и другіе воины храбрые съ нимъ; а овые, сѣкущесь и колющесь съ Бусурманы, въ окна оныя великія башни влѣзше, а изъ башни сметавшись[210] во врата великіе градные; Бусурманы же абіе тылъ подаша, стѣны градныя оставивъ, побѣгоша на великую гору, ко двору Цареву: бо бѣ зѣло крѣпокъ, между палатъ и мечетей каменныхъ, оплотомъ великимъ обточенъ.[211] Мы же за ними ко двору Цареву, аще и утружденны во зброяхъ, а многіе храбрые мужіе на тѣлесахъ раны уже имуще, и зѣло ихъ мало осталося біющихся съ ними. А войско наше, яже было отстало внѣ града, яко увидѣло, иже мы уже во градѣ, а Татаровя съ стѣнъ побѣгоша, во градъ ринулось, - и лежащіе, глаголемые ранены, воскочиша и творящіеся мертвые воскресоша. И со всѣхъ странъ не токмо тѣ, но и съ становъ,[212] и кашевары, и яже были у конехъ оставлены,[213] и друзіе, яже и съ куплею пріехаша, всѣ сбѣгошася[214] во градъ, не ратнаго ради дѣла, но на корысть многую: бо то мѣсто воистинну полно было дражайшихъ корыстей, златомъ, и сребромъ, и каменіемъ драгоцѣннымъ, и собольми кипѣло и другими великими богатствы. Татаровяжъ запрошась съ нашу страну на Царевѣ дворѣ, а дольную[215] часть мѣста покинули, елико ихъ могло утещи; а съ другую сторону, яже съ Арскаго поля, откуду подкопъ взорвало, Царь Казанскій съ дворомъ своимъ уступя, аки въ половину мѣста, застановился на Тезицкомъ[216] рвѣ, (по нашему на купецкомъ), біющесь крѣпцѣ со Христіаны: бо того мѣста двѣ части, аки на равнинѣ, на горѣ стоятъ; а третія часть зѣло удольна, аки въ пропасти; а поперегъ, аки въ половицу[217] мѣста, отъ стѣны Булака ажъ до дольныя части мѣста, ровъ не малый. А мѣсто оно не мало: мало что отъ Виленскаго[218] мнѣйше.
И бысть сея предреченныя битвы, аки на четыре годины[219] и вяще[220], памятамись, ото всѣхъ странъ добыванно[221] на стѣны и во градѣ сѣчи[222]. И якъ видѣвше Бусурманы, иже Христіанскаго войска мало оставаетъ,[223] мало не всѣ на корысти падоша: мнози, яко глаголютъ, по два кратъ и по три въ станы отхождаху съ корыстьми и паки возвращахуся, храбрые же воини безпрестанни бьющесь; — видѣвше же сіе Бусурманы, иже утрудишася уже воины храбрые, и начаша крѣпцѣ налегати, ополчающесь на нихъ. Корыстовники же оные предреченные, егда увидѣли, что наши по нуждѣ уступаютъ[224] по малу, бронящесь съ Бусурманомъ, въ таковое абіе бѣгство вдашася, яко и во врата многіе не попали; но множайшіе и съ корыстьми чрезъ стѣну метались, а иные и корысти повергоша, только вопіюще: сѣкутъ! сѣкутъ! Но за благодатію Божіею, храбрымъ сердецъ не сокрушили: бо и съ нашу сторону зѣло было тяжко отъ належанія Бусурмановъ, (въ то время, отнелѣже во градъ внидоша и изыдоша, въ моемъ полку девяносто и осмь храбрыхъ мужей убито, кромѣ раненыхъ); но обаче, благодати ради Божіей, устояхомъ на нашей сторонѣ сопротивъ ихъ не подвижны. Со оныя же предреченныя страны мало что поступиша, яко рекохомъ, великаго ради множества належанія ихъ, и даша о себѣ[225] вѣдати Цареви нашему и всѣмъ совѣтникомъ, окрестъ его въ тотъ часъ бывшимъ, яко и самому ему зрящу бѣгство изъ града оныхъ предреченныхъ бѣгуновъ:[226] и зѣло ему не токмо лице измѣняшесь, но и сердде сокрушися, уповая, иже[227] все войско уже Христіанское Бусурманы изъ града изгнаша. Видѣвше же сицевое, мудрые[228] и искусные Сигклитове его, повелѣша хоруговь[229] великую Христіанскую близу вратъ градскихъ, нареченныхъ Царскихъ,[230] подвинути, и самого Царя, хотяща и не хотяща, за бразды коня взявъ, близъ хоругови[231] поставиша: понеже были нѣцыи, между Сигклиты оными, мужіе вѣку еще отцовъ нашихъ, состарѣвшіеся въ добродѣтеляхъ и во всякихъ искусствахъ ратныхъ. Полку же Царскому великому, въ которомъ было вяще, нежели двадесять тысящей воиновъ избранныхъ, абіе повелѣно сойти съ коней, аки половинѣ; такоже не токмо дѣтемъ своимъ и сроднымъ повелѣша, но и самихъ ихъ половина сшедши съ коней, потекоша во градъ, на помощъ утружденнымъ онымъ воиномъ.
Егда же пріидоша во градъ внезапу такъ много воинства свѣжаго, въ пресвѣтлыя зброи оболченнаго,[232] абіе Царь Казанскій со всѣмъ воинствомъ начаша уступовати[233] назадъ, обаче броняшася крѣпцѣ; наши же по нихъ[234] не отступно крѣпцѣй находяще, сѣкущеся съ ними. Егда уже погнаша ихъ ажъ до мечетей, яже близу Царева двора стоятъ, абіе изыдоша во срѣтеніе нашихъ Обазы ихъ, Сеиты, Моллы, предъ великимъ Бискупомъ ихъ, а по ихъ, съ великимъ Анарый[235], або Амиромъ, именемъ Кулшерифъ Моллою, и сразишась съ нашими такъ крѣпцѣ, ажъ до единаго избиша ихъ. Царь же со всѣми остатными затворился во дворѣ своемъ, нача бронитися крѣпцѣ, аки еще на полторы годины біющеся. Егда же видѣвъ, яко не возможе уже помощи себѣ, тогда[236] на едину сторону отобраша женъ и дѣтей своихъ, въ прекрасныхъ и въ преиспещренныхъ[237] одеждахъ, околько[238] десять тысящей, и сташа на единой странѣ великаго предреченнаго двора Царева, уповающе, иже прельстится войско Христіанское на красоту ихъ и живити ихъ будетъ. Сами же Татаровя со Царемъ ихъ отобрашась во единъ уголъ и умыслиша не датися живымъ въ руки, точію бы Царя живаго соблюсти; и поидоша отъ Царева двора на дольную сторону мѣста[239] къ нижайшимъ вратамъ, идѣже азъ сопротивъ ихъ у Царева двора стояхъ, и не осталось уже было со мною полутораста воиновъ, а ихъ еще было о десять[240] тысящей; обаче, тѣсноты ради улицы, бронились[241] есмя имъ, отходяще и опирающеся[242], крѣпцѣ. Наше же войско великое съ горы оныя егда потиснуша[243] ихъ зѣло, паче же задній конецъ Татарскаго полку, сѣкуще и біюще; тогда едва съ великою нуждою, за Божіею помощію, изыдохомъ изъ вратъ градскихъ. Наши же съ великія горы крѣпцѣ належаще, тиснуша ихъ, намъ же объ ону страну стоящимъ, во вратѣхъ біющеся, не пущающе ихъ изъ града: уже бо намъ на помощь два полка Христіанскіе приспѣша. Имъ же такъ тиснушась неволею, великаго ради належанія съ горы, иже съ вежею[245] высокою равно, яже надо враты бяше, полно трупія ихъ лежаше; среднимъ же и заднимъ людемъ, ажъ по людемъ своимъ идуще на градъ и на вежу. Егда же возведоша Царя своего на вежу, тогда начаша вопіяти, просяще малаго времени на розмову[246]; мы же, мало утишився, послушавше прошенія ихъ. Онижъ абіе сице рѣша, глаголюще: „Поки[247], рече, Юртъ[248] стояше и мѣсто главное, идѣже престолъ Царевъ былъ, потыяжъ[249] до смерти броняхомся за Царя и отечество; а нынѣ Царя вамъ отдаемъ здрава: ведите его ко Царю своему! А остатокъ насъ исходитъ на широкое поле - испити съ вами послѣднюю чашу.“ И отдаша намъ Царя своего со единымъ Карачемъ, что наибольшимъ ихъ, и со двѣма Имилдеши[250]. Царю ихъ было имя Бусурманское Идигеръ, а Князю оному Зеніешъ.[251] И отдавъ намъ Царя здрава, по насъ абіе стрѣляли,[252] а мы по нихъ. И не поидоша на насъ во врата, но абіе поидоша съ стѣны просто чрезъ Казань рѣку, и хотяша пробитися, прямо противъ моего стану, на шанцы тѣми дирами, идѣже шесть дѣлъ[253] великихъ стояло.
И абіе по нихъ ударено изо всѣхъ тѣхъ дѣлъ; онижъ воздвигошася оттуду и поидоша на лѣво внизъ, подлѣ Казань рѣку, берегомъ, аки три перестрѣла лучныхъ, и по конецъ шанецъ нашихъ: тамо сташа и начаша легчитися[254] и метати у себя зброи и розувати себя, ко бреденію рѣки: еще бо бѣ ихъ осталъ полкъ, аки шесть тысящей, або мало мнѣйше. Мы же, видѣвши сіе, мало насъ нѣчто добыша себѣ коней отъ своихъ становъ за рѣку;[255] и такъ сѣдши на свои кони, устремишася скоро сопротивъ ихъ и заступиша имъ путъ, имъ же хотяху пойти. И обрѣтоша еще ихъ не прешедшихъ[256] чрезъ рѣку, и собрашась насъ сопротивъ ихъ мало что больше дву сотъ коней, бо зѣло скоро сіе случишась: понеже что остало войска и сколько, объ ону[257] страну мѣста, при Царѣ было, паче же мало не всѣ во градѣ уже. Абіежъ они пребредши рѣку (бо мелка была въ томъ мѣсцу[258] по ихъ счастью), зжидатися начаша на самомъ брегу, ополчающесь, готови суще къ сраженію, съ различными броньми, паче же мало не всѣ со стрѣлами, и уже на тетивахъ луковъ стрѣлы имуще. И абіе начаша мало отъ берегу подвигатися, учиня чело[259] не малое, а за нимъ и всѣмъ идущимъ вкупѣ зѣло густо и долго, аки два стрѣлянія не малыя лучныхъ, по примѣтѣ. Христіанскагожъ войска множество безчисленное на стѣнѣ града, такоже съ палатъ Царскихъ зрящимъ, а помощи намъ, стремнины для великія и зѣло прикрыя горы, никако же возмогоша подати.
Мы же, отпустя ихъ мало что отъ брегу, бо еще самому концу остальному изъ рѣки не явившусь: тогда удариша на нихъ, хотяще ихъ прервати и устроенные полки ихъ расторгнути. Молюся, да не возмнитъ мя[260] кто безумна, самъ себя хваляща! Правду воистинну глаголю, и дарованна[261] духа храбрости, отъ Бога данна ми, не таю; къ тому и коня зѣло быстра и добра имѣхъ. И всѣхъ первѣе вразихся[262] во весь полкъ онъ[263] Бусурманскій, и памятаю то, иже сѣкущесь, три разы въ нихъ конь мой оперся;[264] и въ четвертый разъ зѣло раненъ повалился въ срединѣ ихъ со мною, и уже отъ великихъ ранъ не памятаю вяще… Очнувшеся уже потомъ, аки по малѣ годинѣ,[265] видѣхъ, аки надъ мертвецомъ плачущихъ и рыдающихъ, двѣма слугамъ моимъ надо мною стоящимъ, и другимъ двѣма воиномъ Царскимъ. Азъ же видѣхъ себя обнаженна лежаща, многими ранами учащенна, а животъ цѣлъ: понеже на мнѣ збройка[266] была праотеческая, зѣло крѣпка; паче же благодать Христа моего такъ благоволила, иже Ангеломъ своимъ заповѣдалъ сохранити мя недостойнаго во всѣхъ путехъ51). Послѣди же, потомъ уже, увѣдахъ, иже тѣ всѣ благородные, ихъ же уже собралосъ было, аки со триста, иже обѣщалисъ и устремитись со мною вкупѣ и на нихъ ударити, да поглядѣли[267] возлѣ полка ихъ, не сразився съ ними: подобно для того, иже преднихъ ихъ нѣкоторыхъ зѣло поранили, близу себя припустя ихъ, или негли убояшася толщи ради полку; возвратився паки, сзади онаго Бусурманскаго полку сѣщи начаша, наѣзжаючи и топтючи ихъ. Чело же ихъ иде невозбранно, чрезъ широкій лугъ, къ великому блату, идѣже конемъ не возможно, а тамо уже, за блатомъ, великій лѣсъ.
Потомъ, глаголютъ, приспѣлъ онъ, мой братъ предреченный, иже первѣе на стѣну градскую взыде: аки бы среди онаго лугу еще засталъ ихъ, и въ самое чело ихъ зѣло быстро, всѣми уздами распустя коня, вразився въ нихъ, такъ мужественно, такъ храбро, иже вѣрѣ неподобно, яко всѣмъ свидѣтельствовати: аки два кратъ проѣхалъ посреди ихъ, сѣкуще ихъ и обращающе конемъ посреди[268] ихъ. Егда же въ третій разъ вразился въ нихъ, поможе ему нѣкоторый благородный воинъ, помогающе ему, вкупѣ бьюще Бусурмановъ, всѣмъ же со града зрящимъ и дивящимся; которые же не вѣдяще о Царевѣ[269] отданію, мняше Царя Казанскаго между ихъ ѣздяща. И такъ его уранили, иже по пяти стрѣлъ въ ногахъ ему было, кромѣ иныхъ ранъ; но животъ сохраненъ былъ Божіею благодатію: понеже зброю на себѣ зѣло крѣпку имѣлъ. И такого былъ мужественнаго сердца, егда уже того коня подъ нимъ ураниша[270] такъ, иже съ мѣста не може двигнутися, другаго коня обрѣлъ, просто водяща у единаго дворянина Царева брата, и испрося его, и забывши, паче же нерадящи такъ о прелютыхъ своихъ ранѣхъ, утонивъ паки полкъ Бусурманскій, сѣкуще ихъ со другими воины, ажъ до самаго блата. И воистинну имѣлъ таковаго брата храбра, и мужественна, и добронравна, и къ тому зѣло разумна, иже во всемъ войску Христіанскомъ не обрѣташеся храбрѣйшій и лучшій, паче его; аще бы обрѣлся кто, Господи Боже! да таковъ же бы былъ! Паче же мнѣ зѣло былъ превозлюбленъ, и воистинну мѣлъ бы[271] за него душу свою положити и животомъ своимъ здравіе его откупити: понеже умре потомъ, на другое лѣто подобно, отъ тѣхъ лютыхъ ранъ.... Сіе конецъ краткаго писанія о Казанскаго великаго града Бусурманскаго взятію.
Примѣчанія
[править]- ↑ Въ Б. писатися красная.
- ↑ Въ Р. поколику; въ Э. по коликомъ.
- ↑ Въ Р. и К. земли бѣдъ отъ нихъ.
- ↑ Такъ въ Р. и К. въ П. укони; въ Б. не токмо искони; въ Э. не токмо нынѣ но искони.
- ↑ Въ Б. заповѣднымъ.
- ↑ Въ Р. бредіями.
- ↑ Въ Э. не щадя; въ К. не щадѣти;
- ↑ Въ К. приб. и царство его взя.
- ↑ Въ Э. града.
- ↑ Въ Э. града Казани.
- ↑ Ссылка 34
- ↑ Въ Э. пушки.
- ↑ Въ Э. яко.
- ↑ Въ Э. и съ пушками.
- ↑ Въ Э. градѣ.
- ↑ Въ Э. расположилъ.
- ↑ Въ Э. иже стоятъ.
- ↑ Въ Э. понеже (ибо).
- ↑ Въ Э. хотѣлъ; въ К. имѣлъ.
- ↑ Въ Э. нежели, какъ онъ чаялъ его (противъ чаянія)
- ↑ изъ К; въ П. не внесповѣдовался, иже уже на Казань пошелъ; Въ Э. понеже истинно надѣяшеся, что уже на Казань пошелъ.
- ↑ Въ Э. градъ великій каменный Тулу.
- ↑ Въ Б. съ нимъ.
- ↑ Въ Б. приправлясь; въ Э. преплывши.
- ↑ Въ Э. расположихомся.
- ↑ Въ Р. и К. за полъ двѣ мили; въ Б. за полторы.
- ↑ Въ Э. воинствомъ.
- ↑ Степь.
- ↑ Въ Э. пушки.
- ↑ Въ Э. ядра.
- ↑ Въ Э. порохъ на верблюдѣхъ.
- ↑ Въ Р. въ загонѣ.
- ↑ Въ Р. во три; въ Б. бо три; въ Э. понеже.
- ↑ Въ Р. обо; въ Э. или.
- ↑ Въ Э. часа; въ Р. и К. на полъ 2 годины; въ Б. на полторы.
- ↑ Въ Э. понесохъ.
- ↑ Въ Э. на великій градъ.
- ↑ Въ Э. крайній; въ Р. къ ранѣ; въ Б. къ Украйнѣ; въ К. крайнее.
- ↑ Въ Э. пушками.
- ↑ Въ Э. войска (народа, людей).
- ↑ Въ Б. и ѣздехомъ.
- ↑ Въ Э. ѣзду имуще.
- ↑ Въ Э. его Царя.
- ↑ ибо онъ боялся.
- ↑ Въ Э. Барыша; въ К. Сарыша.
- ↑ Въ Р. драго.
- ↑ Въ Э. заимствующе; въ Р. позыча чающе; (занимая и ссужая).
- ↑ Въ Э. понеже.
- ↑ Въ Э. преправихомся чрезъ.
- ↑ Въ Б. изъ Черемиса.
- ↑ Въ Р. на полѣ окромный.
- ↑ Въ Б. малмазки (Малвазійское вино).
- ↑ Въ Э. напоевъ сь марцыпаны (напитки и пирожныя).
- ↑ Въ Р. колацей.
- ↑ Въ Б. не челось.
- ↑ 23 или 25 — неразборчиво. — Примѣчаніе редактора Викитеки.
- ↑ Въ Р. изъ дѣла; въ Э. изъ пути (съ пушками).
- ↑ Въ Б. Игофолъ; въ Э. и полковъ (отрядовъ).
- ↑ Въ Э. понеже.
- ↑ Въ Э. должайшаго.
- ↑ Труднаго, утомительнаго.
- ↑ галерахъ, лодкахъ.
- ↑ Въ Б. достать.
- ↑ Въ Р. и Б. за три дни; въ Э. въ три дни.
- ↑ Въ Э. препортили; въ П. показали; въ К. Р. и Б. показали (испортили).
- ↑ Въ Э. града.
- ↑ Въ Б. Государь.
- ↑ Въ Э. приб. бысть.
- ↑ Въ Б. сиде.
- ↑ Въ Э. пушки съ струговъ вывожены.
- ↑ Въ Р. отставно.
- ↑ Въ Э. знамена.
- ↑ Въ Р. въ селы.
- ↑ Въ Э. града Казани.
- ↑ Въ Э. стоитъ.
- ↑ Въ Э. башню.
- ↑ Въ Э. и каковъ. (лишъ только).
- ↑ Въ Э. таможъ.
- ↑ Въ Б. прекрасна; въ Э. высокая (крутая).
- ↑ Въ Э. яко.
- ↑ трудно.
- ↑ Въ Б. мѣста; въ Р. мечиты.
- ↑ Въ Э. каменныя.
- ↑ т. е. помнятся мнѣ.
- ↑ 23 или 25 августа — неразборчиво. — Примѣчаніе редактора Викитеки.
- ↑ получило повелѣніе.
- ↑ Въ Р. прежній; въ Б. предикій.
- ↑ Въ Р. мѣскихъ.
- ↑ Въ Б. стрѣленія; въ Э. перестрѣла
- ↑ Въ Б. конскаго.
- ↑ Въ Э. изъ града.
- ↑ Въ Р. ударишася.
- ↑ Въ Р. пищими ручничными; въ Э. ручными. (ружейными, или съ ружьями).
- ↑ Въ Э. даже.
- ↑ Въ Э. нѣсколько живыхъ.
- ↑ Въ Э. того же чеса купно; въ Р. вкупѣ воз-раженіе.
- ↑ Въ Э. башенъ.
- ↑ Въ Э. градскія.
- ↑ Въ Б. нищеты.
- ↑ Въ Э. таже; въ Р. а яже.
- ↑ Въ Э. прибав. Царю нашему подданный.
- ↑ крыло, флангъ, уголъ
- ↑ Въ Б. къ нему.
- ↑ Въ Б. по стѣнамъ.
- ↑ Въ Р. и Казаковъ Левентовъ; въ П. на полѣ. Левентовъ.
- ↑ Дата неразборчива. — Примѣчаніе редактора Викитеки.
- ↑ Въ Р. простроша; въ Э. протяжеся.
- ↑ Въ Б. лукавыя.
- ↑ Въ Р. за градъ лежать.
- ↑ Въ Б. азъ ди лѣсовъ.
- ↑ Въ Э. съ великимъ полкомъ; въ Р. свальнымъ гуѳомъ.
- ↑ Въ Р. на сѣлѣхъ.
- ↑ Въ Э. Князь; въ Р. на полѣ, великій Князь татарскій.
- ↑ Въ Э. нѣсколько.
- ↑ Въ Р. туры.
- ↑ Въ Э. выбѣгающе. (дѣлали вылазки).
- ↑ Въ Э. приб. побиваху.
- ↑ Въ Э. покоряшеся (прибавлялся, усиливался).
- ↑ устроивъ.
- ↑ Въ Р. заковашеся.
- ↑ Въ Б. мѣткіе; въ Р. мѣлкіе; въ Э. градскіе.
- ↑ Въ Э. вылазокъ.
- ↑ Въ Э. пушки.
- ↑ Въ Р. поляные; въ Э. полковыя. (полевыя).
- ↑ Въ Э. пушекъ.
- ↑ такъ въ Э. Въ П. Б. и Р. ею же.
- ↑ Въ Б. храбрость.
- ↑ Въ Б. раздрочены; въ Р. и К. раздроченными воины; въ Э. раздраженнымъ воиномъ.
- ↑ Въ Э. знамя; въ Р. геруговъ.
- ↑ Въ Р. прытко; въ Э. скоро. (быстро).
- ↑ Въ Э. набѣгали.
- ↑ Въ Э. пушки.
- ↑ Въ Э. утверждены.
- ↑ Въ Э. пушекъ.
- ↑ Въ Э. тамо близу.
- ↑ Въ Э. между.
- ↑ Въ Э. градскихъ.
- ↑ Въ Э. изъ другихъ вратъ.
- ↑ Въ Э. вкушати.
- ↑ Въ Э. конніе
- ↑ Въ Э. пушки.
- ↑ Въ Э. ядрами.
- ↑ Въ Э. нынѣшняго.
- ↑ Въ Э. вылазки.
- ↑ Въ Р. при нарядѣхъ; въ Э. при пушкахъ.
- ↑ такъ я читаю; въ П. Р. К. Э. и Б. а чтобы.
- ↑ Въ Э. быстраго.
- ↑ Въ Э. понеже то.
- ↑ Въ Э. градскихъ.
- ↑ Въ Э. вылазокъ.
- ↑ безпокойство.
- ↑ Въ Р. и Э. къ тому; въ Б. а кто.
- ↑ Въ Э. пушекъ.
- ↑ Въ Р. изведе, въ Б. и Э. и вездѣ.
- ↑ Въ Э. полки.
- ↑ Въ Р. стратига.
- ↑ почтеннаго; съ Р. и Э. старечнаго.
- ↑ Въ Э. постигнуша насъ.
- ↑ Въ Э. приснѣ.
- ↑ Въ Б. Р. и Э. на полторы.
- ↑ Въ Э. плѣнниковъ.
- ↑ Въ Э. Казань градъ.
- ↑ Въ Э. плѣнникомъ.
- ↑ Въ Р. къ гауры; въ Э. гуяры.
- ↑ Въ Э. въ ней же.
- ↑ Въ Э. града.
- ↑ Въ Э. прибав. наши
- ↑ Въ Э. сопряшася.
- ↑ Въ Э. боронитися.
- ↑ Въ Э. на два часа.
- ↑ Въ Э. съ вѣденіемъ (съ вѣстникомъ).
- ↑ Въ Э. покинутъ; въ Б. покиненъ.
- ↑ богатыя, обильныя.
- ↑ Въ Э. лѣса.
- ↑ Въ Р. танеи; на полѣ: дешевы; въ Э. дешево.
- ↑ Въ Э. яко корову купили.
- ↑ Въ Э. стены.
- ↑ Въ Э. и съ ними.
- ↑ Въ Р. або; въ Э. или.
- ↑ Въ Э. дождество; (дождь).
- ↑ Въ Р. престарѣвшимся; въ Э. престарѣлые.
- ↑ Въ Р. вѣтрецъ.
- ↑ Въ Р. облако.
- ↑ такъ въ пр. сп. въ П. не точію.
- ↑ воздуха.
- ↑ Въ Р. и Э. бываетъ.
- ↑ Въ Р. збывающими.
- ↑ частица.
- ↑ Въ Р. съ литіями.
- ↑ Въ Э. взорвало; слово башню приб. изъ Б.
- ↑ Въ Э. устроена; въ Р. сотворено; въ Б. уроблено.
- ↑ Въ Э. градскаго.
- ↑ Въ Э. пушекъ.
- ↑ вредъ.
- ↑ Въ Э. вылазкахъ.
- ↑ Въ Б. ручной.
- ↑ Въ Э. къ нему.
- ↑ Въ Р. и Э. къ приступу.
- ↑ Въ Э. градскою.
- ↑ Из Э. въ П. Б. и Р. ибо большую.
- ↑ Въ Э. часа.
- ↑ Въ Р. изъ большими почты; въ Э. изъ большія почты; въ Б. посты. (отрядъ).
- ↑ Въ Э. Сенаторы; въ Р. Сенатъ. (вельможи, старшины).
- ↑ Въ Э. побѣгохомъ.
- ↑ Въ Э. мѣтанія.
- ↑ Въ Э. избавленіе.
- ↑ Въ Э. пушки изъ шанцовъ.
- ↑ лице съ лицемъ; въ рукопашъ.
- ↑ Въ П. пріидоша.
- ↑ Въ Р. смѣшавшись. (бросившись).
- ↑ Въ Э. окопанъ. (окруженъ).
- ↑ Въ Э. воистинну.
- ↑ Въ Р. и Э. оставлены.
- ↑ Въ Р. сберошася; въ Э. взбѣгоша.
- ↑ въ Р. донную; въ Э. дальную. (находящуюся въ долинѣ).
- ↑ Въ Э. Тешицкомъ.
- ↑ Въ половину.
- ↑ Въ Э. Вильни.
- ↑ Въ Э. часа.
- ↑ Въ Э. часа.
- ↑ Въ Р. и Э. добыванія.
- ↑ Въ Р. и Э. сѣчи; въ Б. сѣчно.
- ↑ Въ Э. оставляется.
- ↑ Въ Б. уступаютъ.
- ↑ Въ Р. идоше особь.
- ↑ Въ Б. бусурмановъ.
- ↑ Въ Э. уповая яко.
- ↑ Въ Э. храбрые.
- ↑ Въ Э. знамя.
- ↑ Въ Э. Арскихъ.
- ↑ Въ Э. знамени.
- ↑ Облеченнаго.
- ↑ Въ Э. уступати.
- ↑ Въ Э. полки.
- ↑ Въ Э. Амары.
- ↑ Въ Э. часа.
- ↑ Въ Р. пренсарещенныхъ.
- ↑ Въ Б. и Р. около.
- ↑ Въ Э. града.
- ↑ Въ Э. до десять.
- ↑ Въ Р. вронились.
- ↑ Въ К. отпирающеся.
- ↑ Въ Р. потѣсниша; въ Э. постигнуша.
- ↑ Несколько букв неразборчиво — Примѣчаніе редактора Викитеки.
- ↑ Въ Э. ба[?]ею[244].
- ↑ Въ Э. разговоръ (переговоръ).
- ↑ Въ Б. и Р. паки; въ Э. донежеле.
- ↑ Въ Р. и въ П. на полѣ прибавлено: Измаилтескимъ языкомъ, обыкло нарицатися, Царство само въ собѣ стоящее.
- ↑ до тѣхъ поръ.
- ↑ Въ Р. и П. на полѣ прибавлено: сирѣчь мамичи, яже бываютъ питаеми единимъ сосцемъ со Царскимъ отрочатемъ.
- ↑ Въ Р. Зеннешъ; въ Э. Зиннещъ.
- ↑ Въ Б. стрѣлами.
- ↑ Въ Э. пушекъ.
- ↑ Изъ Р. въ Б. лѣчитися; въ П. летчитися.
- ↑ Въ Э. изъ за рѣки.
- ↑ Въ Р. и Э. не прешедшихъ; въ Б. надпредшихъ.
- ↑ Въ Р. кони бо объ ону.
- ↑ Въ Б. мѣсяцъ; въ Э. мѣстѣ.
- ↑ Фронтъ.
- ↑ Въ Э. да невозмнится.
- ↑ Въ Р. и Э. дарованія.
- ↑ Въ Б. сразился.
- ↑ Т. е. оный.
- ↑ Въ Б. отперся.
- ↑ Въ Э. часѣ.
- ↑ Въ Э. збруйка.
- ↑ Такъ я читаю; въ П. и Б. да погладити; въ Р. да погладили; въ Э. и бывшіе уже.
- ↑ Въ Р. и К. во средѣ.
- ↑ въ Р. отъ Цареви.
- ↑ Въ Б. браниша; въ Э. ураненъ; въ Р. уронили.
- ↑ Въ Р. велѣлъ бы; въ Э. желалъ бы; въ Б. имѣлъ бысь.