Слово некоего отца своему сыну/Поучение детям 1893 (ДО)

Материал из Викитеки — свободной библиотеки
Перейти к навигации Перейти к поиску
Yat-round-icon1.jpg

Поученіе дѣтямъ Владиміра Мономаха — Слово нѣкоего отца своему сыну
авторъ неизвѣстенъ
См. Оглавленіе. Изъ сборника «Поученіе дѣтямъ Владиміра Мономаха / Ред. и прим. В. А. Воскресенскаго — СПб.: Типографія и Литографія В. А. Тиханова, 1893.». Опубл.: 1893. Источникъ: Commons-logo.svg Владимир Мономах, С. М. Соловьёв и др. Поучение детям Владимира Мономаха. — СПб.: Типография и литография В. А. Тиханова, 1893.



[26]
4. Слово нѣкоего отца къ сыноу своемоу, словеса дшепользьная.
Господи благослови!

1. Сыноу мои и чадо, приклони оухо свое и послоушаи отця своего, съвѣтуюштааго ти спасьная. Чадо, приближи разумы срця своего и въноуши[1] глаголы родивъшааго тя: не соуть бо на врѣдъ [27]дши твоей, нъ аште разоумьнѣя и имеши я, то къ цесрствоу нбсномоу вожди ти боудоуть.

2. Простри срдчьныи съсоудъ, да накаплють ти словеса слажьша медоу, могоуштая оживити и бесъмьртьна явити тя. Нъ отъ чтоо пьрвое начьну казати тя, сыноу мои, чьто ти пьрвѣе явлю? мятежь ли или зълобы свѣта сего, житие ли бгооугодьно и спсьно?

3. Паче же бы нама лѣпоты мыслити, о чадо, отъ Адама, праоця нашего, до сего нашего вѣка: колико множьство бысть чловѣкъ по земли — и вьси бес памяти бышя, едини же памятьни бышя и прослоушя на небеси и на земли:

4. Иже по заповѣдьмъ бжиямъ вься дьни своя пожиша и къ единомоу вышьнемоу възирааху; иже въ кротости пожиша и въ добрословьи оуста своя оучиниша; иже малъмь свѣта сего причящаахоуся, вьсю же свою мысль, вьсе свое хотѣние въ бесъмрьтьное житие правляахоу и о томъ единомь въздыхаахоу и моляахоу (бъншью?[2] бога, яко достоиномъ его явитися. Тѣмь же, чадо мое, изволи си — тѣхъ житие и тѣхъ норовы приими и порасудоуи дѣломъ ихъ, възишти, кыимь путьмь идошя и коею стьзею текоша.

5. Да въ нбсьнѣмь црьствии съпостигнеши я и съними въздрадоуешися радостию иною, ея же въ житии семь нѣсть.

6. Потъщися по нихь и възишти тѣхъ, иже я проводішя, кротость бо я доправи и съмѣрение и благъ съмыслъ, покорение и любы и добросьрдие, милостыни же и миръ къ вьсѣмъ малыимъ и великыимъ.

7. Ти бо норови доведошя ихъ, амо же по вься дьни желаахоу; тѣхъ вождевъ възискаша и яшася твордо за роукы ихъ, и доидоша въ неразлоучимыя кровы вышняааго Иерлма:

8. Тѣхъ норовы и ты, о чадо мое, приими и възишти съ вьсею крѣпостию и вьсею силою, яко же можеші: въ насъ бо ходять, — и нѣсть, кто ихъ приемля, нѣсть, иже бы я въвелъ въ домъ свои тѣлесьныи и душевьныи и покоилъ я въ воли своей.

9. Боуди пониженъ главою, высокъ же оумъмь, очи имѣя въ земли, оумьнѣи же въ небеси; оуста сътиштена, а срдчьная въиноу къ Богоу въпшошта.

10. Нозѣ тихо стоупаюшти, а оумьнѣи скоро текоушти къ вратомъ нбесьныимъ. [28]

11. Оуши оуклоняя отъ зла слышания, оумнымь же въиноу прилѣгая къ шюмѣнию стыихъ словесъ, яже въ стыихъ кънигахъ писана соуть:

12. Роуцѣ съгъбенѣ имѣи на събрание зълааго имѣния свѣта сего, простьртѣ же ва приятие оубогыихъ.

13. Не стыдися вьсякомоу съзъданомоу въ образъ божий главы своя покланяти, старѣйшааго дньми почьстити не лѣнися и покоити старость его потъщися.

14. Съверстьникы своя миромь срѣтаи, меньшая себе съ любовию приемли, (пред) честьнѣишимь себе не потроудися стояти.

15. Чядо, не боуди самохотью лишенъ вѣчьнааго житья; грѣха бѣжи, яко ратьника, гоубящаго дшу твою.

16. Не въсхошти веселоватися въ мирѣ семь: все бо веселие свѣта сего съ плачьмь кончаваеться: и се явѣ видѣти въ мирѣ семь въ двоихъ соусѣдѣхъ: оу сихъ сватьбоу творять, а оу другыихъ мьрьтвьца плачються, — тъ же плачь соуетьны: дньсь плачються, а оутро оупиваються.

17. Тѣмь же разоумѣи соуетоу вѣка сего и скоро падоуюштюю плъть нашу: дньсь бо растемъ, а оутро гниемъ.

18. Тѣмь же въ малѣмъ животѣ възишти вѣчьныя жизни, идеже отъ сея жізни нѣсть ни скръби, ни въздыхания, ни плача, ни сѣтования, нъ радость и веселие, свѣтъ немьрьцяя, слънце самъ Господь.

19. Тоу жизнь възлюби, къ той по вся дьни тьштіся и о тои въиноу помышляи.

20. Боуди, ти съпяшту, мысль — възглавие, помыслъ нбсныя радости; въстаюштю же, брашьно — память цѣсарьства небеснаго.

21. Чядо, алчьнааго накръмі, яко же ти самъ Господь повелѣлъ, жадьнааго напои, страньна въведи, больна — присѣти, къ тьмьніци доиди, виждь бѣду ихъ и въздъхни.

22. Боуди ти въ скръбь твою прибѣжиште цркы; паче же и кромѣ скърби, и по вся часы и дьни, въшьдъ, припади къ вышнюоумоу, лицьмь си землю покрыи.

23. И приноуди его поминаати тя, не оуклонить бо ся тебе дшелюбець, члвѣколюбець, но прииметь тя и оутѣшить тя.

24. Црквь же разоумѣваи н(е)бо соуште; олтарь же — прѣстолъ вышьняаго; слоужителя же — агглы бжия: тѣмь же въ цркви, акы [29]на нбси, съ страхъмь стои, яко прѣдъ очима самого Бога; исходя же, не забываи, чьто бѣ или чьто слыша.

25. Сътвори си въ члвцѣхъ кротъкыи, да нбсныи житель боудеши.

26. Скорби о грѣсѣхъ, воздыхаи о съблазнѣхъ, печалоуи и о падении своемь, да очистишися, да на исходѣ душьнѣиь обряштешися бес порока.

27. Съмьрть поминаи въ иноу, да та память наоучить тя паче вьсѣхъ, како бо жити въ малѣмь семь времени.

28. Боуди съмъсльнъ, разоумѣи, чьто е воля бжия, чьто трѣбоуе нбсьныи цѣсарь отъ земльныихъ, чьто просить отъ своея твари: не малыя ли и оудобьтворимыя милостыни? писано бо есть: помилоуи, да помилованъ боудеши.

29. Чьто трѣбоуеть отъ насъ Богъ, всего блага исплъненъ? — Хвалы ли? — нъ хвалятъ его ангели; покланяния­-ли? — нъ покланяються емоу нбсьныя силы.

30. Нъ того просить, еже намъ на пользю, на спсение: просить бо милостыня, желаеть кротости, любить миръ.

31. Тѣмь же ты, чадо, оного волю сътвори въ малѣ, и онъ твою волю — въ вѣкъ; дароуи малое — и возьми вѣчьное; дажь едино — възьми сторицею.

32. Присвоися Бозѣ, — да врагомъ си видимыимъ всь(м) и невидимыимъ страшьнъ боудеши.

33. Въ влънахъ житиискахъ еси, въ боури ли морьскѣи бѣдоу приемлеши, показаю ти, сноу мои, истиньная пристанища, — манастыря, домы стыихъ: къ тѣмъ прибѣгаи — и оутѣшять тя, по скърьби къ нимь — и обеселишитя: с(ы)н(о)ве бо бес печали соуть и оумѣють печальнааго оутѣшити.

34. И аште чьто имѣеши въ домоу своемь потребьно же онѣмь, донеси имъ: вьсе бо то въ роуцѣ бжии вълагаеши и възданью ихъ боудеши.

35. Въ градѣ, въ немь же живеши, и въ инѣхъ окрьстьнихъ хоишти ли единого члвка, бояштяся Бога и томоу вьсею силою слоужяштя.

36. Обрѣте ли такого члвка, то оуже не скърби: обрѣте бо оуже ключь цѣсарьствия нбсьнааго.

37. Къ томоу присѣди доушею и тѣлъмь; смотри жития его пожения, сѣдания, ѣдения и вьсего обычая его пытаи. [30]

38. Паче же блюди словесъ его, не дажь ни единомоу словеси его пасти на землю: дражьша бо бисера соуть святая словеса.

39. Праздьникы же стыихъ почьсти, не самъ оупиваяся, нъ алчьныя и жядьныя накърмляя.

40. Знаемыи твори домъ свои ништиимъ, въдовицямъ, сиротамъ, неимоуштиимъ кде главы подъклонити.

41. Богатъ ли имѣеши домъ свои, хоудъ ли, вьсе то бжиемъ помыслъмъ, нъ потъштися вьсего имѣя.

42. Не рьци бо имѣнию своему: мое есть; нъ рьци: пороучено ми есть на мало днии, да акъ клучарь пороученое ти раздаваи, яко же велить пороучивыи ти: тѣмь же, еже ти далъ вышьнии, то вышьняаго ты имѣние сътвори въ немь.

Изборникъ Святослава 1106 г. Изв.,
т. X, стр. 427­—431.

Примѣчанія[править]

  1. Въноушити—выслушать.
  2. Бъншью — бо нашего?


PD-icon.svg Это произведение перешло в общественное достояние в России и странах, где срок охраны авторского права действует 70 лет, или менее, согласно ст. 1281 ГК РФ.

Если произведение является переводом, или иным производным произведением, или создано в соавторстве, то срок действия исключительного авторского права истёк для всех авторов оригинала и перевода.